Аида Балаева: Жас авторлардың шығармаларын кітапханалар қорына енгізу қажет

Қызылордада V Ұлттық құрылтай аясында «Әлеуметтік-мәдени даму» секциясының отырысы өтті. Отырыс жұмысына Премьер-министрдің орынбасары – Мәдениет және ақпарат министрі Аида Балаева төрағалық етті. Талқылауға Парламент депутаттары, шығармашылық зиялы қауым өкілдері және қоғам қайраткерлері қатысты, деп жазады Egemen.kz.

Жиынды ашқан Аида Балаева Ұлттық құрылтайдың қоғам үшін маңызы зор, тұрақты әрі жүйелі диалог алаңына айналғанын атап өтіп, онда ел дамуының ұзақмерзімді бағыт-бағдары айқындалып, өзекті әлеуметтік мәселелер кеңінен талқыланатынын жеткізді.

«Ұлттық құрылтай аясында айтылған барлық ұсыныс пен пікір Мемлекет басшысы мен мемлекеттік органдардың ерекше бақылауында. Мәдениет және ақпарат министрлігі құрылтай мүшелері ұсынған бастамаларды іске асыру жоспарының орындалуына тұрақты түрде мониторинг жүргізіп келеді. Алдыңғы төрт отырыста аса маңызды мәселелер көтеріліп, ауқымды жұмыс атқарылды. Атап айтқанда, заңнаманы жетілдіру мақсатында 26 заң қабылданды. Сонымен қатар 10 заң жобасына, сондай-ақ Президент жарлықтары мен кешенді даму жоспарларына өзгерістер енгізу бойынша жұмыстар жүргізіліп жатыр», деді Премьер-министрдің орынбасары.

Секция отырысына қатысушылар өз ұсыныстары мен бастамаларын ортаға салды. Талқылаудың негізгі өзегін мәдениетті дамыту, креативті индустрияларды дамыту, әлеуметтік саланы жақсарту және отбасы құндылықтарын нығайту мәселелері құрады.

Жұмыс тобы жаңа Парламентке қатысты мәселелердің барлық қырын қарастырды

Сондай-ақ балалар контентін дамыту және анимация индустриясын өркендету тақырыбы көтерілді. Осыған байланысты Аида Балаева мультфильм өндірісіне арнайы тоқталып, бұл бағыттың маңыздылығын ерекше атап өтті.

«Президент Жолдауында берілген тапсырмаға сәйкес, министрлік жанынан Креативті индустрияларды қолдау қоры құрылды. Қазіргі уақытта оның материалдық-техникалық базасы қалыптастырылып жатыр, әрі қор құрылымында анимацияға арналған жеке бағыт қарастырылады. Менің ойымша, мұнда саннан бұрын сапаға мән беру маңызды. Контенттің бала психологиясына ықпалын, жас ерекшеліктерін және тәрбиелік әсерін міндетті түрде ескеру қажет. Қордың толыққанды жұмысы басталғаннан кейін анимация индустриясы тың серпін алып, қарқынды дами түседі деп сенемін», деп атап өтті Мәдениет және ақпарат министрі.

Басқа да мәселелерді талқылау барысында қатысушылар мен сарапшылар ұлттық дәстүрді сақтау және «кітап оқитын ұлт» қалыптастыру – Қазақстан қоғамын жаңғыртудың маңызды құрамдас бөлігі екенін баса айтты. Осыған орай Аида Балаева аударуға және басып шығаруға ұсынылатын кітаптар тізбесін айқындайтын арнайы комиссия құруды ұсынды. Сонымен бірге заманауи жас авторлардың шығармаларын ел кітапханаларының қорына жүйелі түрде енгізу қажеттігіне назар аударды.

Тоқаев: Конституциялық реформаның талқылана басталғанына жарты жыл болып қалды

Бүгін Қызылордада «Білім және ғылым», «Азаматтық қоғам» және «Экономикалық даму» бағыттары бойынша тағы үш секцияда талқылаулар өтіп жатыр. Екі күн бойы мемлекеттік саясаттың өзекті мәселелері талқыланатын болады.

Тоқаев: Конституцияның бірден бірнеше бөлімін қайта қарау қажет болады

Ал ертең, яғни 20 қаңтарда, Мемлекет басшысының қатысуымен V Ұлттық құрылтайдың пленарлық отырысы өтеді. Іс-шараға Қазақстанның барлық өңірінен делегат ретінде келген Ұлттық құрылтайдың 110 мүшесі қатысады.

Соңғы жаңалықтар

Қару асынғанға – қарыз жоқ: Сарбаздарға несие беруге неге тыйым салынбақ?

Айбын • Бүгін, 16:48

Көкшетаулық жігіт сауда орталығынан 129 мың теңгенің киімін ұрлап кеткен

Оқиға • Бүгін, 16:27

Украинаға қауіпсіздік кепілдіктері беріле ме?

Әлем • Бүгін, 16:13

Қаңтар айындағы ҰБТ-дан қанша талапкер шеттетілді?

Білім • Бүгін, 16:02

Air Astana әуе кемелерінде спутниктік интернет пайда болады

Digital • Бүгін, 15:43

ChatGPT әзірлеушісі банкрот алдында: OpenAI 40 млрд доллар шығынға батуы мүмкін

Оқиға • Бүгін, 15:35

«Dara» президенттік бастамалары қорына жаңа басшы тағайындалды

Тағайындау • Бүгін, 15:23

Ертең «Қайрат» өз алаңында «Брюггені» қабылдайды

Футбол • Бүгін, 15:16

Теңіз кен орнында мұнай өндіру уақытша тоқтатылды

Оқиға • Бүгін, 15:12

Атырауда студент қызды шашынан сүйреген әйелдің әрекеті жұртты дүрліктірді

Оқиға • Бүгін, 15:02

Ет экспорты екі есе өседі: Үкімет мал шаруашылығына арналған ірі жоспарды бекітті

Экспорт • Бүгін, 14:44

Мәйіттік донор бүлдіршіннің өмірін аман алып қалды

Медицина • Бүгін, 14:22

Алматыда Ұлан сарбаздары ант қабылдады

Қоғам • Бүгін, 14:13

Таразда жанжал жиі тіркелетін мейрамханалар анықталды

Аймақтар • Бүгін, 14:00

Тоқаев: Конституциялық реформаның талқылана басталғанына жарты жыл болып қалды

Парламент • Бүгін, 13:47

Барлық жаңалықтар