Әлемде мұнай бағасы өсті

Мұнайдың әлемдік бағасы бір жарым пайызға өсті. Мұны сарапшылар Дональд Трамптың Венесуэлаға мұнай танкерлерінің кіріп шығуын шектеумен байланыстырады. 

Екі ел қарым-қатынасының шиеленісуі қыркүйек айында басталды. АҚШ Кариб теңізіне әскери кемелерін орналастырып, есірткі контрабандасымен айналысты деген 20-дан астам кемеге соққы жасады. Салдарынан 80-нен астам адам қаза болды. Ал Венесуэла билігі тағылған айыптарды жоққа шығарып, АҚШ мемлекеттің пайдалы қазбаларын иемденгісі келеді деп санайды.