Әлемдегі ең бай бес футболшының есімі жарияланды

Футболдан әлем чемпионаты-2026: Ойындардың толық кестесі мен уақыты белгілі болды

Криштиану Роналду – 295 миллион доллар

(алаңда 230 млн, алаңнан тыс 65 млн)

Португалиялық жұлдыз Сауд Арабиясының «Әл-Наср» клубында ойнау арқылы үлкен табыс тауып келеді. Сонымен қатар ол бизнес саласын да белсенді дамытып отыр. Ақпан айынан бері ол бразилиялық LiveModeTV стриминг сервисінің, Испанияның екінші дивизионындағы «Альмерия» клубының және танымал тағам қоспалары өндірушісі Herbalife компаниясының еншілес бөлімінің үлестерін сатып алған.

2. Лионель Месси – 140 миллион доллар

(70 млн алаңда, 70 млн алаңнан тыс)

Месси мансабын аяқтағаннан кейін «Интер Майами» клубының үлесіне ие болатыны айтылғанымен, ол қазірдің өзінде өз футбол активтерін дамыта бастаған. Мамыр айында ол Барселонаға жақын орналасқан Испанияның бесінші дивизионындағы «Корнелья» клубын сатып алған. Сонымен қатар оның отбасы Аргентинадағы төменгі дивизионда ойнайтын «Леонес де Росарио» клубын басқарады.

3. Килиан Мбаппе – 100 миллион доллар

(70 млн алаңда, 30 млн алаңнан тыс)

Мбаппе әлемдік спорттағы ең сұранысқа ие жұлдыздардың бірі болып отыр. Оның серіктестері қатарында Oakley, Hublot және Fairmont Hotels сияқты ірі брендтер бар. Бұл оған тек клубтық табысқа тәуелді болмауға мүмкіндік береді.

4. Эрлинг Холанд – 80 миллион доллар

(60 млн алаңда, 20 млн алаңнан тыс)

Холанд шахмат индустриясына инвестиция салуда. Ол Chess Mates компаниясын құрып, Total Chess World Championship Tour турнирлер сериясын басқаратын компанияның үлесіне ие. Сонымен қатар норвегиялық шабуылшының фермерлікке қызығушылығы бар. Бірақ бұл бағыттан табыс таппайды екен.

5. Винисиус Жуниор – 60 миллион доллар

(40 млн алаңда, 20 млн алаңнан тыс)

Винисиус Жуниор да ірі демеушілер аз емес. Оның серіктестері арасында Nike, Pepsi, Unilever және Visa бар. Жалпы табысы оны Forbes нұсқасы бойынша ең бай футболшылардың алғашқы ондығының қатарында ұстап тұр.