​Али Лариджанидің қазасынан кейін Иран Израильге​ зымыранмен қарымта соққы жасады

Иран жоғары лауазымды қауіпсіздік қызметкері Али Лариджанидің қазасына байланысты Израильге қарымта соққы жасады, деп хабарлайды Euronews. 

Тегераннан атылған зымырандардың бір бөлігі Израильдің орталық аймағына жетіп, Рамат-Ган қаласында екі адамның өмірін қиды, бірнеше адам жарақат алды.

Израильдің әуе қорғаныс жүйесі көпшілігін ұстап қалғанымен, Иран Khorramshahr-4 және Qadr үлгісіндегі көп оқтұмсықты зымырандарды қолданғанын мойындады.

Сонымен қатар, Израиль әскері Тегерандағы бірнеше әскери штабқа әуе соққыларын жасады. Ливандағы «Хезболла» ұйымына қарсы операциялар жалғасуда, Бейрутта және оңтүстік аймақтарда бейбіт тұрғындар арасында қаза тапқандар бар.

Парсы шығанағы елдері де Иран шабуылдарына ұшырады: Сауд Арабиясы, Кувейт және БАӘ өз аумағына бағытталған зымырандар мен дрондарды ұстап қалғанын хабарлады.

Қақтығыс салдарынан аймақтағы гуманитарлық жағдай күрделеніп, мыңдаған адамдар баспаналарын тастап кетуге мәжбүр болды. Мұнай бағасы соңғы он күнде 40%-ға өсіп, Brent маркалы мұнай барреліне 100 доллардан жоғары саудалануда.

Бүгін, 13:45