Алматы әуежайының енді жалғыз иесі бар

Түркиялық TAV Airports холдингі Алматы әуежайының жалғыз иесі атанады. "Бәйтерек" холдингінің құрылымына кіретін Qazaqstan Investment Corporation (QIC) әуежайдағы 15 пайыздық үлесін сатуды аяқтап жатқанын хабарлады. Сатып алушы - TAV Airports, ал мәміле сомасы 133 миллион долларды құрады. Мәміле аяқталғаннан кейін TAV Airports әуе айлағы акцияларының 100 пайызын иеленеді, деп хабарлайды Tengri Travel.

QIC неліктен үлесін сатуды ұйғарды?

Ал QIC өкілдері жобаға 2021 жылдың көктемінде Kazakhstan Infrastructure Fund қоры арқылы кіргенін еске салды. Сол кезде қор 30 миллион доллар инвестиция салып, әуежай акцияларының 15 пайызын алған болатын. Бұл TAV Airports тобының әуежайды 415 миллион долларлық мәміле аясында сатып алуымен бір мезгілде болды.

Сату туралы хабарланғанға дейін де компания жобадан шығу тікелей инвестиция қорлары үшін қалыпты тәжірибе екенін түсіндірген. Негізгі міндеттер орындалғаннан кейін инвестор өз үлесін сатып, активтен шығады. QIC бұл шешімнің әуежай жұмысына немесе қандай да бір мәселелерге қатысы жоқтығын атап өтті.

Енді мәміле ресми түрде аяқталды.

Алматы әуежайындағы қазақстандық үлестің сатылуы мүмкін екені өткен айда белгілі болған еді. Ол кезде Qazaqstan Investment Corporation акциялардың 15 пайызына иелік еткен Kazakhstan Infrastructure Fund қорының жобадан шығу процесі жүріп жатқанын растаған. Компания бұл инвестициялық мақсаттарға қол жеткізгеннен кейінгі тікелей инвестиция қорлары үшін стандартты тәжірибе екенін баса айтты. Сонымен қатар QIC келіссөздердің жалғасуына байланысты алдағы мәміленің егжей-тегжейін, оның құны мен мерзімін ашпаған болатын.

Тағы оқыңыз: Алматыдан қайда ұшуға болады: бағыттардың толық тізімі

Google News арқылы жаңалықтарымызды қадағалаңыз