Алматы Бельгиядағы туристік форумда марапатқа ие болды

Inform.KZ парақшасынан алынған ақпаратқа сәйкес, Qazaq24.com хабарлайды..

Форум аясында Қазақстан Елшілігі елімізді Еуразия жүрегінде серпінді дамып келе жатқан туристік бағыт ретінде танытатын ұлттық көрме ұйымдастырды.

Қатысушыларды Almaty Tourism Bureau-ның Алматы қаласы мен оған жақын өңірдің туристік әлеуетін таныстыруы ерекше қызықтырды.

Таныстыру кезінде қысқы және таудағы демалыс, экотуризм, этномәдениет, шытырман оқиғалы және гастрономиялық туризм мүмкіндіктері көрсетілді. Қазақстанның қайталанбас табиғи алуан түрлілігіне, бай тарихи мұрасына, қазақ халқының қонақжайлығына ерекше назар аударылды.

Форум аясында Алматы қаласы World Tourism Awards 2025 беделді марапатына ие болды. Бұл – туристік инновациялар мен қалалық трансформация үшін берілетін арнайы марапат.

- Алматы инновациялар, тұрақты даму және ақылды қаланы ақылды жоспарлау оны жаһандық туристік сахнаға қалай шығаратынын танытып отыр. Қазақстан жаһандық туризм индустриясының маңызды ойыншысына айналып отыр, - деп атап өтті Дүниежүзілік туристік форум институтының президенті Булут Багжы.

Алматы қаласы туризм бюросы департаментінің басшысы Асқар Төлеутай атап өткендей, 2024 жылы Алматыға 2,3 млн турист келген, бұл 2023 жылмен салыстырғанда 15 пайыз көп.

- 2025 жылы Алматыға келген туристер саны 2024 жылдың сәйкес кезеңімен салыстырғанда 10% жоғары, яғни туристер санының артуына оң серпін бар, - деп қосты ол.

Global Tourism Forum — туризм индустриясының көшбасшыларын, үкімет, бизнес және сарапшылар қауымдастығы өкілдерін біріктіретін халықаралық диалог алаңы. Форум тұрақты туризмді дамыту, озық тәжірибелер алмасу және жаһандық туристік экономиканың өсуіне ықпал ететін инновацияларды ілгерілетуді мақсат етеді.

Қазақстанның форумға қатысуы халықаралық туристік ынтымақтастықты нығайту және елдің тартымды, қауіпсіз және ашық туристік бағыт ретінде имиджін ілгерілетуде маңызды қадам болды.

Бұған дейін Қазақстан Қытай туристері арасында ең сұранысқа ие 5 елдің қатарына кіргенін жазған болатынбыз.

Қазақстан қай елдерден туристерді тартуға екпін қойып отырғанын мына материалдан оқи аласыз.

Оқиғаларды жіберіп алмау үшін Qazaq24.com сайтынан ең өзекті жаңалықтарды қарап отырыңыз.