Алматы облысында дауыс берушілер тізімі миллионнан асады

Бүгін еліміз бойынша жаңа Конституцияны қабылдау мәселесі бойынша республикалық референдум өтіп жатыр. Алматы облысында дауыс беруге құқығы бар азаматтар тізіміне 1 029 611 адам енгізілген. Оның ішінде 5871 адам алғаш рет дауыс бере алады, деп хабарлайды Egemen.kz.

Өңірде 677 референдум учаскесінің жұмысы ұйымдастырылған. Барлық учаскелер қажетті материалдық-техникалық жабдықтармен толық қамтамасыз етілген. Атап айтқанда, дауыс беру кабиналары, стационарлық және тасымалды жәшіктер, сондай-ақ комиссия мүшелері мен байқаушыларға арналған жұмыс орындары дайындалған. Дауыс беру сағат 07:00-ден 20:00-ге дейін жалғасады. Одан кейін дауыстарды санау рәсімі басталады.

Облыс орталығы – Қонаев қаласында да өңірдегі басқа учаскелердегідей №949-ші референдум учаскесінде жұмыс таңғы сағат 07:00-де Қазақстан Республикасының Мемлекеттік Гимнін орындаумен басталды. Қонаев қаласы «Ардагерлер ұйымы» қоғамдық бірлестігі кеңесінің төрағасы Базарбай Оралбаев игі тілегін білдіріп, бата берді. Ақсақал елге тыныштық, бірлік пен береке тілеп, азаматтарды жауапкершілік пен парасаттылыққа шақырды.

Алматы облысының әкімі референдумда өз таңдауын жасады

Учаскелерде пандустар орнатылып, арнайы көрсеткіштер мен ыңғайлы дауыс беру кабиналары жасақталған. Қажет болған жағдайда учаскелік комиссия мүшелері азаматтарға ақпараттық көмек көрсетуге дайын. Денсаулығына байланысты учаскеге келе алмайтын азаматтар үшін тасымалды жәшік арқылы үйде өз таңдауын жасау мүмкіндігі ұйымдастырылған. Өңірде 2320 мүмкіндігі шектеулі азаматтың деректері нақтыланып, олардың қай учаскеге тіркелгені тексерілді.

Өңірде инватакси қызметі де ұйымдастырылды. Облыс орталығында екі арнайы көлік қызмет көрсетеді. Сонымен қатар 214 елді мекенді қамтитын 24 инватакси жұмыс істейді. Бұдан бөлек, 15 сурдоаудармашы және әлеуметтік қызметкерлер тартылған. Референдумды өткізуге өңірде бір облыстық, екі қалалық, тоғыз аудандық және 677 учаскелік комиссия қатысып жатыр. Комиссиялардың құрамында 4781 адам жұмыс істейді. Дайындық кезеңінде олардың барлығы арнайы оқытудан өтті.

«Ел дауысы»: Сайлаушылар таңертеңнен бастап белсенді дауыс беріп жатыр

Дауыс беру барысын қоғамдық бірлестіктер мен үкіметтік емес ұйымдар өкілдері, сондай-ақ халықаралық ұйымдар мен шетелдік бұқаралық ақпарат құралдарының өкілдері бақылай алады. Мейрамгүл Айтованың айтуынша, Алматы облысында референдумды бақылау үшін 16 өңірлік және 11 республикалық үкіметтік емес ұйым аккредиттелген. Олар учаскелерде бақылаушы ретінде қатысуға құқылы.

Өңірде азаматтардың уақытша болатын орындарында орналасқан 36 учаске жұмыс істейді. Оның 15-і әскери бөлімдерде, 16-сы стационарлық емдеу-профилактикалық мекемелерде, 4-еуі тергеу және уақытша ұстау изоляторларында, ал бір учаске арнаулы әлеуметтік қызмет көрсету орталығында орналасқан. Егер бұл учаскелерде тізімге енгізілген барлық азамат дауыс берсе, учаскелік комиссия дауыс берудің аяқталғанын мерзімінен бұрын жариялай алады.

Айта кетейік, заң талаптарына сәйкес өңірдегі жеті учаскеде дауыс беру таңғы сағат 06:00-де басталды. Қалған учаскелерде дауыс беру кесте бойынша сағат 07:00-ден 20:00-ге дейін жалғасады. Учаскелер жабылғаннан кейін дауыстарды санау рәсімі басталады.

Алматы облысы

Соңғы жаңалықтар

Шымкентте ұландықтар референдумда алғашқылардың бірі болып дауыс беруді аяқтады

Референдум • Бүгін, 10:33

Бекбаева: Учаскелерде ерекше қажеттілігі бар жандарға жағдай жасалды

Референдум • Бүгін, 10:33

Референдум күні Атырауда екі бірдей үшем дүниеге келді

Референдум • Бүгін, 10:20

Үш сағаттың ішінде 2 миллионнан астам адам дауыс берді

Референдум • Бүгін, 10:20

Алматыда тәуелсіз байқаушылар заңбұзушылықтар тіркелмегенін мәлімдеді

Референдум • Бүгін, 10:15

Маңғыстауда бір әулеттің келіндері референдумға қатысты

Референдум • Бүгін, 10:10

Маңғыстау облысында 261 референдум учаскесі ашылды

Референдум • Бүгін, 10:07

ІІМ: Референдум кезінде елдегі жағдай полицияның толық бақылауына алынған

Референдум • Бүгін, 10:06

101 жастағы Алматы тұрғыны референдумда дауыс берді

Референдум • Бүгін, 10:00

Референдум мен жәрмеңке бір жерде: Атырауда дауыс беру ерекше форматта өтіп жатыр

Референдум • Бүгін, 09:57

Қарағандыда үлгілі жұп референдумда таңдау жасады

Референдум • Бүгін, 09:55

Шиеліде даңқты диқанның 9 келіні дауыс берді

Референдум • Бүгін, 09:51

Бүгін еліміздің ірі қалаларында қоғамдық көлікпен қатынау тегін болады

Референдум • Бүгін, 09:47

Референдум: Ұлытау облысында 127 учаске жұмысын бастады

Референдум • Бүгін, 09:46

Шетелдегі ел азаматтары референдумға қатысып жатыр

Референдум • Бүгін, 09:38

Барлық жаңалықтар