Алматыда 2030 жылға дейін 567 үй реновациядан өтеді: мекенжайлар тізімі

Алматы билігі 2030 жылға дейін 7500 адамды ескі және апатты үйлерден көшіруді жоспарлап отыр. Мекенжайлар тізімі қаланың Бас жоспарын түзету туралы құжаттарда жарияланды, - деп хабарлайды ТengriНome.

Поделиться

Алматы билігі 2030 жылға дейін 7500 адамды ескі және апатты үйлерден көшіруді жоспарлап отыр. Мекенжайлар тізімі қаланың Бас жоспарын түзету туралы құжаттарда жарияланды, - деп хабарлайды ТengriНome.

Тұрғын үй қорын реновациялау бағдарламасы Алматыда 2012 жылдан бері іске асырылып келеді. Ол белгілі бір мерзімдерге қабылданады:

алдымен - 2012-2015 жылдарға; содан кейін - 2021-2025 жылдарға; енді - 2030 жылға дейін.

Бағдарламаның іске асырылуына "Almaty Renovation" ЖШС (бұрынғы "Алматы әкімдігінің күрделі құрылыс кәсіпорны" ЖШС) жауапты. Компания құрылтайшысы қалалық құрылыс басқармасы.

Реновация ескірген, сейсмикалық төзімділігі төмен ғимараттар мен құрылыстарды қайта жаңарту немесе бұзу арқылы тұрғын үйлерді жаңартуды көздейді. Бағдарламаға мыналар енгізілген:

1930-1980 жылдар аралығында салынған екі қабатқа дейінгі ескі және апатты көппәтерлі үйлер; жеке тұрғын үй құрылыстары; аумақтың құрылысы мен инфрақұрылымын кешенді түрде өзгертуді талап ететін өнеркәсіптік, коммерциялық, қоғамдық және өзге де нысандар.

"Almaty Renovation" ЖШС деректеріне сілтеме жасалған Алматы Бас жоспарын түзету құжатына сәйкес, реновация бағдарламасына кірді:

Алатау ауданы: Немирович-Данченко көшесі мен Райымбек даңғылының қиылысы;

Әуезов ауданы: Сүлейменов - Тоқтабаев - Пришвин - Рысқұлбеков көшелерінің шаршысы;

Алмалы ауданы: Байзақов - Шевченко - Манас - Жамбыл көшелерінің шаршысы;

Түрксіб ауданы:

Сауранбаев, Молдағалиев, Толстой, Чернышевский көшелерінің шаршысы; Сауранбаев, Молдағалиев, Толстой, Чернышевский көшелерінің шаршысы; Толстой, Спартак, Ақындар, Молдағалиев көшелерінің шаршысы; Сауранбаев, Чернышевский, Толстой, Аймауытов көшелерінің шаршысы; Сейфуллин, Чернышевский, Сауранбаев, Аймауытов көшелерінің шаршысы; Сейфуллин - Котельников - Ақан сері көшелерінің шаршысы; Алтай-2 шағынауданы; Молдағалиев көшесі, 25; Сейфуллин даңғылы - Чернышевский - Щербаков – Молдағалиев көшелерінің шаршысы; Сейфуллин - Айбасов - Бехтерев - Дулатов; Толстой, Шолохов, Ақындар, Спартак көшелерінің шаршысы; Ақан сері - Сейфуллин - Хетагуров - Кассин көшелерінің шаршысы.

Жетісу ауданы:

Гончаров, Скрябин, Боткин, Райымбек көшелерінің шаршысы; Боткин, Казаков, Павленко, Райымбек көшелерінің шаршысында; Желтоқсан көшесі, 3; Райымбек, Крылов, Скрябин, Гончаров көшелерінің шаршысы; Казаков, Крылов, Чаплыгин, Казаков көшелері.

Медеу ауданы:

Достық даңғылы мен Снегин көшесінің қиылысы; Достық даңғылы бойындағы LUXOR спорт кешені маңы; Жетісу, Жүргенов, Тянь-Шань, Полтавская-34, Шерхан Мұртаза көшелерінің шаршысы; Бұрғылау - Құлжа тасжолы - Рысқұлов.

Бостандық ауданы:

Айвазовский - Брусиловский көшелерінің қиылысы; Әуезов, Бұқар жырау, Манас, Габдуллин көшелерінің шаршысы; Тимирязев көшесінің бойы; Тимирязев және Жандосов көшелерінің қиылысы; Розыбакиев, Сәтбаев, Радостовец, Жандосов көшелерінің шаршысы; Науаи мен Төрайғыров көшелерінің қиылысы; Манас, Бұқар жырау, Әуезов, Мұстафа Өзтүрік көшелерінің шаршысы; Байтұрсынов көшесінен батысқа қарай, Бұқар жырау даңғылынан оңтүстікке қарай.

Бас жоспарды түзету құжатындағы карта

Айта кетерлігі, 2030 жылға дейінгі бағдарлама қазір іске асырылып жатыр, сондықтан кейбір жобалар басталып та кеткен.

"Күрделі құрылыс кәсіпорны" (қазіргі "Almaty Renovation" ЖШС - ред. еск.) деректері бойынша, Алматыда 43 мыңнан астам адам тұратын, сейсмикалық төзімділігі жоқ 1 403 ескі үй (14 430 пәтер) апатты жағдай алдында тұр. Реновация бағдарламасына сәйкес, 2030 жылға дейін 676 тұрғын үйді бұзу қарастырылған", - делінген Бас жоспарды түзету құжаттарында.

Жоспар бойынша:

2026 жылы 95 үйді; 2027 жылы - 100 үйді; 2028 жылы - 108 үйді; 2029 жылы - 121 үйді; 2030 жылы - 143 үйді бұзу көзделген.

Жалпы 7 500-ге жуық тұрғын үй иесін көшіру жоспарланып отыр.

Тағы оқыңыз:

Алматыдағы “Компотты“ сүру: тұрғындар қарсы, ал жаңа бас жоспарда не көрсетілген?

Google News арқылы жаңалықтарымызды қадағалаңыз

Жазылу

Алматы сүру Жылжымайтын мүлік баспана тұрғын үй Құрылыс