Алматыда Алтынсарин және Арықов көшелерінде қозғалыс шектелді

Алматының Медеу және Әуезов аудандарында бірнеше көшеде қозғалыс шектелді, - деп хабарлайды Tengri Auto.

5-9 қыркүйек аралығында сағат 23:00-ден 6:00-ге дейін Алтынсарин көшесінде көлік қозғалысы шектелді. Шектеу Жандосов көшесінен Қабдолов көшесіне дейінгі аралықта болады.

Онда асфальт-бетон жабынын төсеу жұмыстары жүргізіледі. Ауа райының қолайсыздығына байланысты жұмыс мерзімі өзгеруі мүмкін.

Сондай-ақ, 5 қыркүйектен 10 қазанға дейін Арықов көшесінің бойымен Жетісу көшесінен Жангелдин көшесіне дейінгі аралықта қозғалыс толығымен тоқтатылған. Бұл учаскеде жылу магистралін реконструкциялау жұмыстары жүргізіліп жатыр.

Осыған байланысты 12-25 қыркүйек аралығында Арықов пен Жангелдин көшелерінің қиылысында қозғалыс уақытша шектеледі. Шектеулер тек Арықов көшесімен қиылысатын тұсына қатысты болады.

Жүргізушілерден уақытша қолайсыздықтарға түсіністікпен қарау сұралады.

Алматыдағы көлік қозғалысына қатысты шектеулер

31 тамыздан 14 қыркүйекке дейін Байзақов көшесінің Жамбыл көшесінен Шевченко көшесіне дейінгі бөлігінде қозғалыс шектелген.

Сондай-ақ, Қайрат шағынауданында шектеулер бар, мұнда тұрғын үй кешені үшін су бұру желілері тартылып жатыр:

30 қыркүйектен 15 қазанға дейін - Тараз және Бәйге көшелерінің қиылысынан Сұлутал және Бәйге көшелеріне дейін. 31 тамыздан 30 қыркүйекке дейін - Сұлутал және Бәйге көшелерінің қиылысынан Сыбызғы көшесіне дейін.

Google News арқылы жаңалықтарымызды қадағалаңыз

Жазылу