Алматыда Audi көлігінің жүргізушісі бес адамды қағып кетті

Фото: istockphoto.com

Қалалық полиция департаментінің мәліметінше, жол-көлік оқиғасы Зенков көшесінде болған. Алдын ала дерек бойынша, оңтүстік бағытта келе жатқан Audi жүргізушісі жолдың жүру бөлігінде тұрған бес жаяу жүргіншіні қағып кеткен.

Соған қарамастан ол қозғалысын жалғастырып, жол жиегінде тұрған Toyota көлігіне соқтығысқан.

«Соқтығыс салдарынан Toyota инерциямен жанында тұрған Subaru автокөлігіне соғылған. Оқыс жағдай болған сәтте көлік иелері салонда болмаған», деп мәлімдеді полиция.

Астанада жүк көлігі әйелді қағып кетті

Оқиғадан зардап шеккен бес адамға алғашқы медициналық көмек көрсетілді. Қазіргі уақытта құқық қорғау органдары жол апатының барлық мән-жайын анықтап жатыр.

Еске салайық, бұған дейін Арыс қаласында жол талғамайтын көлік тізгіндеген 52 жастағы мұғалім әйел жоғары жылдамдықпен қоршауды бұзып өтіп, орындықта отырған алты адамды қағып кеткен болатын. Салдарынан үш адам оқиға орнында көз жұмды. Тағы үш адам ауыр жағдайда ауруханаға жеткізілген.