Алматыда IV Compliance 2025 форумы өтті

Алматыда жыл сайынғы комплаенс форум өтті. Іскерлік этика саласындағы дәстүрлі шарада жетекші сарапшылар мен бизнес өкілдері ірі компаниялардың жауапкершілігі, ашықтығы және қауіпсіз жұмыс істеуіне қатысты пікір алмасты. 

Компаниялардың заңдарды, ережелерді, ішкі саясатты және этикалық нормаларды сақтап жұмыс істеуі уақыт талабы. Сондықтан комплаенс қызметінің рөлі күн сайын артып келеді. Форум аясында практикалық кейстер ұсынылып, жаңа талаптар жайында түсіндірме берілді. Бизнес өкілдері комплаенсті тиімді енгізу тәжірибелерімен бөлісіп, тәуекелдерді азайтуға көмектесетін цифрлық құралдар мен жаңа технологиялар таныстырылды. 

Дәурен Ақшалов, Комплаенс және іскерлік этика қауымдастығы қадағалау кеңесінің төрағасы:

- Қаржылық қылмыстар мен санкциялық тәуекелдерге қатысты барлық сарапшыларды біріктіретін алаң болып отыр. Бізде өте үлкен қауымдастық бар — екі жарым мыңнан астам маман жұмыс істейде. Біз сол мамандардың ұсыныстарын жинақтап, мемлекеттік органдарға жолдағымыз келеді.

Евгений Питолин, «Қазтех» Альянсының ақпараттық қауіпсіздік комитетінің тең төрағасы:

- Комплаенс тұрғысынан екінші маңызды мәселе – жаңа цифрлық өнімдеріміздегі деректердің қауіпсіздігі. Көбіне бизнес өнімді жылдам іске қосу керек деп, қауіпсіздік талаптарын елемей жатады. Сондықтан комплаенс осы сәтте көмекші болып, бизнеске ұсынылған әрекеттердің заңға, халықаралық тәжірибеге немесе ережелерге сай емес екенін түсіндіре алады.