Петропавлда әкімдер форумы өтті

Солтүстік Қазақстан облысында сайлау арқылы ауыл әкімдерінің корпусы 60 пайызға жаңарды.

Өңірде Президент тапсырмасы бойынша мемлекеттік басқару академиясында «Ауыл әкімдерінің мектебі» құрылды. Оған жыл басынан бері 120-дан аса аудандық маңызы бар қала мен округ басшылары қатысып, кәсіби құзыреттілігін арттырды. Сонымен қатар цифрландыру мен жасанды интеллект үрдістерін үйренді. Оқыту қорытындысы бойынша облыста аудандардың 2025-2030 жылдарға арналған инвестициялық жобалар тізімі жасалды.

Шырайлым Омарова, ауылдық округ әкімі:

- 2021 жылдан бастап бізде округ әкімдері сайланатын болды. Біз сол кезде бірінші болып сайландық. Ол өте дұрыс деп ойлаймын. Халық өздерінің әкімдерін сайлау керек. Біз жұма сайын халықпен кездесеміз. Халықпен бүкіл проблемалары, мәселелері талқыланады. Олармен бірге бәрін шешеміз.