Әнші Мұқасан Шахзадаевқа заң жоқ па? (видео)

«Нұр-Мұқасан» тобына жаңадан қосылған әнші Ғалымжан Сүлеймен блогер Жан Ахмадиевке сұхбат берді, – деп жазды Aikyn.kz.

«Қасымдағы жігіт «Полиция келмегенде сізді өлтіріп қоя ма деп қорықтым. Талып жатқан кезіңізде үстіңізге шығып алып, тоқтаусыз төпелеп ұрып жатты» дейді. Мұқасан полиция келген кезде де ұрып жатқан. Бірақ полиция оны емес, қан-жоса болып жатқан мені алып кеткен. Ол (Мұқасан Шахзадаев – ред.) сол кезде-ақ таныс-тамырын қосып жатқаны белгілі болды", - дейді Ғалымжан. 

Ғалымжан Сүлейменнің қорғаушысы Инга Иманбай осы оқиға бойынша тергеу барысы созылып кеткенін айтады. Оның айтуынша, бұл ары кетсе бір айда сотқа жететін іс. 

«Мен осыған қарап Мұқасан мырзаның тергеу органдарына ықпалы бар деп санаймын. Өйткені оның тергеу әрекетіне келгенде өзін кінәлі сезінгенін, ісіне өкінгенін көрген жоқпын», - дейді ол.

Еске сала кетейік, 22 қарашада Ғалымжан Сүлеймен полицияға шағым түсіріп, бірнеше адамның өзіне қол көтергенін хабарлаған еді. Әншінің қолы мен мұрны сынды, беті мен көз жаны қатты көгерген. Дәрігерлер оның мұрнына күрделі операция жасады.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.