Apple да басшылық ауысты

Apple компаниясының басшылығында Стив Джобс қайтыс болғаннан бергі ең ірі ауыс-түйіс болды. Компания аппараттық қамтамасыз ету бөлімінің көпжылдық жетекшісі Джон Тернус бас директор қызметіне тағайындалғанын хабарлады. Бұл қызметтен Тим Куктың кеткені белгілі болды, деп хабарлайды Tengri Life.

Apple компаниясының басшылығында Стив Джобс қайтыс болғаннан бергі ең ірі ауыс-түйіс болды. Компания аппараттық қамтамасыз ету бөлімінің көпжылдық жетекшісі Джон Тернус бас директор қызметіне тағайындалғанын хабарлады. Бұл қызметтен Тим Куктың кеткені белгілі болды, деп хабарлайды Tengri Life.

1 қыркүйектен бастап аппараттық қамтамасыз етуді әзірлеу жөніндегі аға вице-президент Джон Тернус Apple-ді басқарады, ал Тим Кук директорлар кеңесінің атқарушы төрағасы қызметіне ауысады.

"Кук жаздың соңына дейін бас директор міндетін атқаруды жалғастырады және басқару тізгінін біртіндеп өткізуді қамтамасыз ету үшін Тернуспен тығыз жұмыс істейді", - делінген Apple компаниясының хабарламасында.

Кук басшылықтың ауысатыны туралы қауымдастыққа жолдаған хатында мәлімдеді, ал компания толық мәліметті баспасөз хабарламасында жария еткен.

Apple компаниясында 2001 жылдан бері қызмет етіп келе жатқан Тернус директорлар кеңесінің құрамына кіреді. Reuters мәліметіне сүйенсек, Mac сатылымын жандандыруда шешуші рөл атқарды, 2017 жылдан бергі желінің ең ауқымды жаңартуы - iPhone Air-ді таныстырды, iPad пен AirPods-ты нарыққа шығаруға көмектесті, сондай-ақ анағұрлым қолжетімді MacBook Neo және iPhone-мен қатар, Mac және iPhone Pro желілерін іске қосу арқылы өнімдер дифференциациясын кеңейтті.

2011 жылдың тамызынан бері Apple-ді басқарған Тим Куктың кезінде компания акциялары 20 есе өсті. Оны 1990-жылдардың соңында компанияны банкроттықтан құтқару кезінде Стив Джобстың өзі Apple-ге шақырған.

Reuters ақпаратынша, жасанды интеллект (ЖИ) саласындағы индустриялық қайта құру аясында Apple-ге бұл бағыттағы дамуды жеделдету қажет: 2011 жылы Siri-ді ерте іске қосқанына қарамастан, компания әлі күнге дейін серпінді ЖИ-өнімдерін ұсынған жоқ. Ал OpenAI сияқты жаңа ойыншылар жүздеген миллион пайдаланушы жинап үлгерген. Сондай-ақ Apple әлемдегі ең қымбат компания атағын Nvidia-ға беріп қойған.

Кук бас директор болу өзі үшін үлкен мәртебе болғанын және "Apple-ді шын жүрегімен жақсы көретінін" айтып, ұжымға сенім білдіргені мен бірлескен жұмысы үшін алғыс айтқан.

Google News арқылы жаңалықтарымызды қадағалаңыз