Облыстық филиалдардың басшылық құрамы жасақталды

Күн тәртібіндегі негізгі мәселелердің бірі – Қазақстан Республикасының Президенті Қасым-Жомарт Тоқаевтың «Жаңа Конституция – Жаңа Дәуір» атты үндеуін қолдау болды. Сонымен қатар қатысушы­лар партияның облыстық филиалдарының басшылық органдарын жасақтау мәселесін талқы­лады.

Дауыс беру нәтижесінде партияның барлық облыстық филиалдарының басшылық құрамы толық бекітілді. Облыстық филиалдардың төрағалары:

Алматы облысы – Қасқарауов Данияр Алда­бергенұлы

Қарағанды обылысы – Алтынбеков Бекзат Құмарұлы

Жетісу облысы – Есбай Амангелді Ғабдыл­кәрімұлы

Ұлытау облысы – Құрмансейіт Ақжол Ахатұлы

Ақмола облысы – Беспалинов Берген Маратұлы

Ақтөбе облысы – Данағұлов Ербол Жеткергенұлы

Атырау облысы – Қонарбай Болат Қайроллаұлы

Шығыс Қазақстан облысы – Мекеева Жанат Жұмағазықызы

Жамбыл облысы – Қаипов Дәурен Айтасұлы

Батыс Қазақстан облысы – Бектұрған Бауржан Оңталапұлы

Қостанай облысы – Аққужина Бибігүл Бүркіт­қызы

Абай облысы – Ибраев Айдар Маратұлы

Түркістан облысы – Толыбаев Нұрлан Әлішерұлы

Қызылорда облысы – Базартай Жандос Нұртай­ұлы

Маңғыстау облысы – Шағырбаев Имаммахмұт Мұхитұлы

Павлодар облысы – Туғанбай Асылбек Туған­байұлы

Солтүстік Қазақстан облысы – Төренова Қалия Батталқызы

Астана қаласы – Қыстаубаев Мағжан Геройханұлы

Алматы қаласы – Канкуров Станислав Влади­мирович

Шымкент қаласы – Жолдықожаев Мұрат Жаңа­байұлы

Саяси кеңестердің құрамына 808 адам енді. Олардың қатарында шағын және орта бизнес өкіл­дері – 22,8%, білім және ғылым саласының маман­дары – 13%, үкіметтік емес ұйымдар мен кәсіподақ өкілдері – 10,2%, мәдениет және спорт саласының өкілдері – 8,9%, өнеркәсіп саласының мамандары – 7,5%, көлік және тұрғын үй-коммуналдық шаруашылығы саласының өкілдері – 6,7%, денсаулық сақтау қызметкерлері – 5,6%, бұқаралық ақпарат құралдарының өкілдері – 5,4%.

Тексеру комиссияларының құрамына 100 адам сайланды. Олардың басым бөлігі экономика, қаржы, бухгалтерлік есеп және құқық салаларында тәжіри­бесі бар мамандар.

Осылайша, «Әділет» партиясының облыстық филиалдарын құруды ұйымдастыру кезеңі толық аяқталды. Енді филиалдар өңір тұрғындарымен жүйелі жұмыс жүргізуге, партия бастамаларын іске асыруға және жергілікті бөлімшелердің қызметін дамытуға кіріседі.

«ӘДІЛЕТ» ПАРТИЯСЫ ТӨРАҒАСЫНЫҢ МӘЛІМДЕМЕСІ

«Әділет» партиясы алдағы Құрылтай сайлауына қатысуға толықтай дайын екенін мәлімдейді.

Біз бұл сайлауды жаңа Конституцияны іске асырудың және Қазақстандағы демократиялық институттарды одан әрі нығайтудың маңызды кезеңі деп санаймыз. Партиямыз сайлауға нақты бағдарламамен, кәсіби командамен және азаматтар алдындағы жауапкершілікті терең сезіне отырып қатысады. Бағдарламамыз әділдік, заң үстемдігі, жауапкершілік, патриотизм және даму құндылықтарына негізделген.

Біз заң талаптарын қатаң сақтай отырып, азаматтардың еркін таңдау құқығын құрметтейтін адал, ашық әрі бәсекеге толы саяси додаға дайынбыз. Басты мақсаты-мыз – Әділетті Қазақстанды нығайтуға бағытталған нақты бастамаларды жүзеге асыру үшін қоғамның сеніміне ие болу.

Ашық саяси бәсеке, қоғам алдындағы жауапкершілік және Конституцияға құрмет – еліміздің табысты дамуының басты кепілі екеніне сенімдімін. Біз бұл жауапты іске әзірміз әрі оның нәтижесі үшін жауапкершілік алуға дайынбыз. Әділетті Қазақстанды бірге құрайық!