Моңғолияның жаңа үкіметі жасақталды

Моңғолияның жаңа Премьер-министрі Ням-Осорын Учрал Ұлы Мемлекеттік Хуралға үкіметтің жаңа құрамын таныстырды. Жалғасып жатқан пленарлық отырыста депутаттар министрлік лауазымдарға ұсынылған кандидаттарға сұрақтар қойды.

Үкімет құрамына төмендегілер кірді:

Премьер-министрдің бірінші орынбасары және экономика мен даму министрі — Жадамбын Энхбаяр; Премьер-министрдің орынбасарлары — Нямтайширын Номтойбаяр, Тогмидын Доржханд; Үкімет іс басқарушысы — Баттумурийн Энхбаяр; Сыртқы істер министрі — Батмунхийн Батцэцэг; Қаржы министрі — Загджавын Мэндсайхан; Әділет және ішкі істер министрі — Сайнбуянгийн Амарсайхан; Өнеркәсіп және минералдық ресурстар министрі — Гонгорын Дамдинням; Қорғаныс министрі — Дамбын Батлут; Қоршаған орта және климаттың өзгеруі министрі — Цэндийн Сандаг-Очир; Білім министрі — Лувсанцэрэнгийн Энх-Амгалан; Отбасы, еңбек және әлеуметтік қорғау министрі — Тилеуханы Аубакир; Жолдар және көлік министрі — Борхуугийн Дэлгэрсайхан; Мәдениет, спорт, туризм және жастар істері министрі — Жуковын Алдаржавхлан; Қалалық құрылыс, құрылыс және тұрғын үй дамуы министрі — Энхтайваны Бат-Амгалан; Азық-түлік, ауыл шаруашылығы және жеңіл өнеркәсіп министрі — Цагаанхуугийн Идэрбат; Цифрлық даму, инновациялар және коммуникациялар министрі — Чинбатын Номин; Энергетика министрі — Бадрахын Найдалаа; Денсаулық сақтау министрі — Энхбаярын Батшугар.

Сондай-ақ, Ұлы Мемлекеттік Хурал (ҰМХ) пленарлық отырысында төрағаны сайлау мәселесі қаралды. Дауыс беру нәтижесі бойынша Моңғол Халықтық Партиясының (МХП) кандидаты С. Бямбацогт ҰМХ төрағасы болып сайланды, ол 76,3% дауыс жинады.

Сандагийн Бямбацогт 1974 жылы Ховд аймағында дүниеге келген. 1999 жылы Қаржы және экономика жоғарғы мектебін, 2005 жылы Нидерландыдағы Маастрихт университетін, 2014 жылы Моңғол Мемлекеттік университетінің заң факультетін тәмамдаған. Экономист және заңгер, экономика, бизнес әкімшілігі және құқық саласында магистр дәрежелеріне ие.

Бұдан бұрын Моңғолияның 35‑ші премьер-министрі сайланғанын жаздық.