Ақмола облысында биыл жеті мың отбасы баспаналы болды

Ақмола облысында жыл басынан бері 7 мың отбасы баспаналы болды.

Оның 2 мыңға жуығы көпбалалы аналар, зейнеткерлер мен әлеуметтік аз қамтылған жанұялар. Өңірде реновация бағдарламасы бойынша биыл 11 тұрғын үй бой көтерді. Жергілікті бюджет есебінен 750 жаңа пәтер сатып алынды.

Соңғы жылдары Бурабай ауданында тұрғын үй құрылысы қарқын алған. Мысалға, былтыр курортты өлкеде 92, ал биыл тағы 85 отбасы қоныс тойын тойлады. Заманауи тұрғын үй кешенінің бірі Бурабай кентінде бой көтеруде. Қазір мұнда негізгі құрылыс жұмыстары аяқталған. Баспаналар жыл соңына дейін ел игілігіне беріледі.

Наталья Григорович, мердігер ұйымның бас инженері:

- Біз былтырдан бастап осы жерде құрылыс жұмыстарын жүргізіп жатыр. Жоба негізінен 3 жылға жоспарланған. Былтыр менің ту сыртымдағы үйді пайдалануға бердік. Қазір екінші үйдің құрылысы 95 пайызға бітіп тұр. Ал үшінші үйдің бірінші қабатын көтеріп қойдық. Абаттандыру жұмыстарын барлық құрылыс жұмыстары аяқталған жүргіземіз.

Дәл осындай баспаналар аудан орталығы мен Қатаркөл ауылында да салынып жатыр. Жауаптылардың сөзінше, ол үйлерде 95 пайызға дайын тұр. Жалпы соңғы бір жылда Бурабай ауданында пәтер кезегінде тұрған отбасылар саны 20 пайызға қысқарды.

Арай Садықов, Бурабай ауданының әкімі:

- Біз былтыр пәтер табыстаған кезде кейбір отбасыларда 6-7 бала барын көрдік. Сол себепті біз бюджетті есептей отыра Бурабай кентінде салынып жатқан үйден 5 үлкен пәтер сатып алдық. Олардың аумағы шамамен 110 шаршы метр. Сондай-ақ, біз дайын үйлерді аларда жанында балабақша, мектеп болуын ескереміз және қаланың немесе ауылдың орталығынан алуға тырысамыз.

Қазір курортты өлкеде мыңға жуық отбасы пәтер кезегінде тұр. Бұл жанұяларды кезең-кезеңімен баспанамен қамту көзделіп отыр. 

Абзал Азаматұлы, Виктор Полянный