АҚШ әлем чемпионы Испанияның сыйақысынан 15 млн доллар салық ұстайды

Фото: Getty Images

АҚШ-тың салық заңнамасына сәйкес, ел резиденті болып саналмайтын шетелдік спортшыларға төленетін белгілі бір сыйақыларға 30 пайыз көлемінде федералдық салық салынады. Бұл мөлшер тек арнайы салық келісімдері немесе өзге де жеңілдіктер болған жағдайда ғана өзгеруі мүмкін.

Испания әлем чемпионы атанып, 50 млн доллар сыйақы алды

Осыған байланысты Испания құрамасы 50 миллион доллардың шамамен 15 миллионын салық ретінде төлейді. Сондай-ақ АҚШ аумағында өткен әлем чемпионатының матчтарына қатысқан барлық құрамалар, тіпті қатысқаны үшін ғана төлем алған жағдайда да, салық төлеуге міндетті болады.

Испанияның чемпиондық фотосы: FIFA Трампты кадрдан қиып тастады

АҚШ Конгресінің республикалық партиядан сайланған мүшесі Тим Берчетт мұндай жүйені сынға алды.

«Меніңше, бұл – тонаумен тең. Біз олардың елге келіп, ақша жұмсағанын қалаймыз, бірақ кейін сол қаржының едәуір бөлігін салық ретінде алып қоямыз. Бізге тиімдірек салық жүйесі қажет», деді ол.

Еске салайық, бұған дейін Испания құрамасы 2026 жылғы әлем чемпионатының финалында Аргентинаны жеңіп, әлем чемпионы атанған болатын.