АҚШ Еуропадағы өзінің әскери стратегиясын қайта қарауды бастады

Америка Құрама Штаттары Еуропадағы әскери қатысуын қайта қарауды бастады. Еуропадағы әскери стратегияға алты айлық ревизия жүргізілетіні туралы алғаш рет 2026 жылғы маусымда НАТО-ның министрлер деңгейіндегі кездесуі барысында АҚШ Қорғаныс министрі Пит Хегсетт мәлімдеген болатын, деп хабарлайды Tengrinews.kz Politico басылымына сілтеме жасап.

28 шілдеде Америка Құрама Штаттары Еуропадағы стратегиясын қайта қарауға кірісті, бұл процесс құрлықтағы америкалық әскерлер мен әскери техниканың санын айқындайды, деп мәлімдеді АҚШ Қорғаныс министрлігінің жоғары лауазымды өкілі.

Today, the Department of War kicked off the Europe Posture Review Secretary Hegseth announced at the last NATO Defense Ministerial Meeting in Brussels. As the Secretary laid out then, this will be a real review, designed to ensure that NATO is moving fast and irreversibly toward…

— Соғыс министрінің орынбасары Элбридж Колби (@USWPColby) July 28, 2026

"Бұл – Еуропа өзінің әдеттегі қорғанысы үшін негізгі жауапкершілікті өз мойнына алуы жолында НАТО-ның жылдам әрі қайтпас ілгерілеуін қамтамасыз етуге бағытталған нақты тексеру болады", - деп жазды АҚШ Қорғаныс министрінің орынбасары Элбридж Колби X желісінде.

Колби "НАТО 3.0" терминін енгізе отырып, "бұл қайта қараудың нәтижесі НАТО-ның анағұрлым қуатты, әділетті және тұрақты альянсқа айналуын жеделдетеді" деп мәлімдеді.

Уашингтон ревизия жүргізуде НАТО-ның Еуропадағы біріккен күштерінің Жоғарғы Бас қолбасшысы генерал Алексус Гринкевичпен тығыз жұмыс істейтін болады. Сондай-ақ еуропалық одақтастармен және Еуропада қалуы тиіс америкалық әскерлердің ең аз мөлшерін белгілеген Конгреспен ақылдасады.

Бұған дейін Уашингтон әскерлерін Германиядан шығару және НАТО-ның күштерді жоспарлауына қосатын үлесін, соның ішінде жойғыш ұшақтар, жанармай құюшы ұшақтар, теңіз патрульдік ұшақтары мен әскери-теңіз күштері сияқты жоғары технологиялық құралдарды қысқарту бойынша шаралар қабылдаған еді.

Euronews жазуынша, бұл қадам еуропалық одақтастар үшін күтпеген жағдай болмаса да, ауыр соққы болды, себебі оларға барған сайын болжау қиын болып бара жатқан серіктеспен істес болуға тура келеді.

Шығыс қанат елдері Уашингтоннан өз аумақтарында әскер мен әскери техниканы сақтап қалуды сұрап отыр. Польша АҚШ-тың тұрақты қатысуына қол жеткізу үшін Америка әкімшілігімен белсенді келіссөздер жүргізіп жатыр: өткен аптада Польша Қорғаныс министрлігі америкалық әскери базаларды қаржыландыру тәртібін айқындайтын заң жобасы дайын екенін мәлімдеді.

Кейінгі айларда еуропалық одақтастар мен Канада Уашингтонның қауіпсіздік саласындағы міндеттемелеріне қатысты өсіп келе жатқан белгісіздікке жауап ретінде жеке қорғаныс қабілетін нығайту бойынша күш-жігерін жеделдетті.

Google News арқылы жаңалықтарымызды қадағалаңыз