АҚШ Қазақстаннан импортталатын тауарларға қосымша баж салығын енгізуді ұсынды

Reuters агенттігінің хабарлауынша, бұған мәжбүрлі еңбек күші пайдаланылып өндірілген өнімдердің импортына қарсы күрестің жеткіліксіздігі себеп болған.

«Біздің негізгі сауда серіктестеріміздің мәжбүрлі еңбек арқылы өндірілген тауарлардың импорты мәселесін шеше алмауы – қабылдауға болмайтын жағдай. Соның салдарынан америкалық жұмысшылар әділетсіз бәсекелестік жағдайында еңбек етуге мәжбүр болып отыр», – деді АҚШ-тың сауда жөніндегі өкілі Джеймисон Грир.

Ұсынысқа сәйкес, мұндай өнімдердің импортына тыйым енгізген немесе тиісті міндеттемелер қабылдаған елдер үшін қосымша кедендік баж салығы 10 пайыз көлемінде белгіленуі мүмкін. Ал қалған мемлекеттерге 12,5 пайыздық қосымша тариф қолдану ұсынылған.

Президент: Қазақстан технологияны нетто-экспорттаушы мәртебесін дәлелдеді

Алайда бұл бастама бойынша түпкілікті шешім әлі қабылданған жоқ. Мәселені талқылауға арналған қоғамдық тыңдаулар 7 шілдеде өтеді.