АҚШ тың Небраска штатында орман өртінен 243 мың гектар аумақ жанып кетті

ABC News мәліметінше, штат өз тарихындағы ең ірі орман өрттерімен бетпе-бет келіп отыр. Өрт бірнеше ауданға таралған.

Билік өкілдерінің айтуынша, қатты жел мен қолайсыз ауа райы өртті бақылауға алуды қиындатып, оны сөндіру жұмыстарын күрделендіріп отыр.

Штат губернаторы Джим Пиллен 14 наурызда төтенше жағдай жариялап, өрт сөндірушілерге көмек көрсету үшін АҚШ Ұлттық гвардиясын жұмылдырды.

Пилленнің мәліметінше, орман өрттері салдарынан бір адам қаза тапқан.

Бұған дейін хабарланғандай, Лос-Анжелестегі орман өрті 2025 жылғы ең үлкен табиғи апат деп бағаланды. Өрт 53 миллиард долларға шығын келтірді.