АҚШ Венесуэла байланысы жанданады

АҚШ жеті жылдық үзілістен кейін Венесуэламен дипломатиялық қарым-қатынасын қалпына келтіріп жатыр.

 Құрама Штаттардың уақытша сенімді өкілі Лора Догу елдер арасындағы келіспеушіліктерді реттеу үшін Каракасқа келді. Боливар Республикасының Сыртқы істер министрлігі бұл сапар дипломатиялық диалог пен халықаралық құқық негізінде өзара мүдделерге сай мәселелер бойынша іс-қимыл жоспарын әзірлеуге мүмкіндік беретінін мәлімдеді. Естеріңізге салайық, АҚШ пен Венесуэла 2019 жылы Николас Мадуроның шешімімен Вашингтон президенттік сайлауда өзге кандидатты қолдағаннан кейін байланысты үзген болатын.