​Ақтауда түйенің иесіне екінші рет айыппұл салынуы мүмкін

Ақтауда түйені тұрғын үйдің жанына байлап кеткен иесіне айыппұл салынды, деп хабарлайды Lada.kz басылымы.

Жануарды 13 ықшамаудандағы №2 бесқабатты үйдің қабырғасындағы газ құбырына байлап кеткен. Бұл сәт түсірілген бейнежазба әлеуметтік желіде тез тарап кетті.

Қалалық әкімдіктің хабарлауынша, оқиға орнына ТҮКШ (ЖКХ) бөлімінің мамандары мен учаскелік полиция инспекторлары келген. Түйенің иесі анықталып, кейінірек ол жануарды алып кеткен.

Полиция департаменті мал иесіне қатысты ҚР ӘҚБтК-нің 408-бабы — «Ауыл шаруашылығы жануарларын жаю қағидаларын бұзу» бойынша әкімшілік хаттама толтырылғанын нақтылады. Оған 3 АЕК мөлшерінде немесе 12 975 теңге айыппұл салынды.

Алайда бұл хикая мұнымен аяқталған жоқ. Halyqstan Telegram-арнасының мәліметінше, кейінірек дәл сол түйе басқа көшеде қайтадан көзге түскен. Жануар жол бойымен жайбарақат жүріп бара жатқан, ал аяғында үзілген арқан салбырап тұр. Енді иесіне қайтадан жауап беруге тура келуі әбден мүмкін.

Бүгін, 16:57