Ақтаулық заңгерлер тұрғындарға тегін кеңес берді

Бұл шара «Құқықтық мәдениет» жобасы аясында Мамандандырылған халыққа қызмет көрсету орталығында өтті.

Қалалықтар жер қатынастары, мүгедектік алу, сот актілерін орындау, зейнетақы аударымдары мен алимент өндіру процестері бойынша мамандардың көмегіне жүгінді. Халықтың құқықтық сауаттылығын арттыру мақсатында биыл Маңғыстау облысында жиырмадан астам қоғамдық қабылдау ұйымдастырылды.

Роза Қылышбекқызы, қала тұрғыны:

- Психиатрда есепте тұрған балаларға, неге бізге санаторий берілмейді. Қаншама бала мысалға санаторийга бара алмайды ИПР-де жоқ болғандықтан. Мүгедектігі бар баланы тәрбиелеп отырған аналарды қоғамдағы әр клиникаға барсын, білім саласына барған жағдайда тегін, тікелей кезексіз қабылдау жөнінде сұрақтарым.

Айнұр Исақова, әділет департаментінің бөлім басшысы:

- Көп балалы отбасы Шымкент қаласының жеке сот орындаушысының іс-әрекетіне шағымданып келген болатын. Осыған орай Маңғыстау облысының заң қауымдастығының өкілдерімен бірге осы істі соңына дейін жеткізіп, алиментін өндіріп берген болатынбыз.