Ақтөбеде болашақ экологтар рельсарқалық зауытқа экотур жасады

Ақтөбеде болашақ экологтар рельсарқалық зауытына экотур жасады.

Студенттер өндірістік процестермен танысып, кәсіпорындағы қоршаған ортаны қорғау шаралары жөнінде ақпарат алды. Экскурсияда өндірістік ағынды суларды тазарту және тұзсыздандыру станцияларының жұмысы, қайта айналымды сумен қамту жүйесі көрсетілді. Бұл технология пайдаланылған және тазартылған судың жартысынан көбін қайта өндірістік мақсатта қолдануға мүмкіндік береді. Сонымен қатар кәсіпорында экологиялық мониторинг жүйесі жолға қойылған. Ластаушы заттардың ауаға таралу мөлшері үнемі өлшеніп отырады.

Ербол Қуанов, экология департаментінің басшысы:

- Бұл дейтін нағыз қажетті бағыттағы жұмыс. Себебі жоғары оқу орынында эколог маманығында оқып жатқандар олар өздерінің болашақта жұмыстарының қандай болатынын және де сол өздерінің алып жатқан білімдерін іс-тәжірибеде көзін жеткізіп көру. Зауыттарды аралап жүрген болашақ эколог мамандар көзбен көруі тиіс, өндіріс ошақтары әртүрлі бағыттағы қоршаған ортағаны қорғау іс шараларына жауапкершілік істерін.