Шымкенттегі зауытқа заманауи технологиялар енгізілді. LIVE

Qazaq24.com, 24.KZ дереккөзінен алынған мәліметтерге сүйене отырып мәлімдеме жасады..

Шымкентте электротехникалық құралдар мен металл бұйымдарын шығаратын зауытта заманауи технологиялар сәтті енгізілді, деп хабарлайды 24KZ. Өндірісті автоматтандыру мен цифрландырудың арқасында еңбек қауіпсіздігі күшейтіліп, өндіріс қуаты артқан. Жасанды интеллект негізінде жұмыс істейтін бағдарламалар да іске қосылды. Кәсіпорындағы жаңашылдықтар өңдеу өнеркәсібін дамыту тұжырымдамасына сәйкес жүзеге асты.

Нұрсұлтан Мұхамеджан, тілші:

Цифрландыру өндірісті жеделдетіп, сапаны арттырады. Экспорттық мүмкіндікті кеңейтеді. Осындай ұранмен өндірістің барлық сатысы автоматтандырылып, еңбек адамдарының ісі өрге басты. Темірден түйін түйген шеберлер сорғы жабдықтары мен электротехникалық құралдар, металл бұйымдарын өндіреді.

Зауытты басқару жүйесі ақылды технологиялардың көмегімен автоматтандырылды. Өндірістік процессте әуелі 3D-модельдеу бағдарламалары арқылы металл бұйымдарының пішіні, көлемі бекітіліп, компьютерлік бағдарламамен балқытылған металл қалыптарға құйылады. Кейін арнайы станоктарда жоғары дәлдікпен өңделеді. «Бұл әдіс адам еңбегін жеңілдетіп қана қоймай, қателікке жол бермейді», – дейді мамандар.

Алайда өндіріс тізбегі адам қатысуымен оңтайландырылған. Олардың біліктілігін арттыруға электронды оқыту материалдары мен бейне дәрістер пайдаланылып, VR кешендері құрылған.

Айта кетейік, модельді цифрлық фабриканың тәжірибесі елдегі өңдеу өнеркәсібін дамытудың 2023-2029 жылдарға арналған тұжырымдамасы шеңберінде жүзеге асырылып, іріктелген кәсіпорындар тізіміне енгізілді. Енді Қазақстан машина жасау қауымдастығы атынан өзге өндіріс орындарына үлгі етіледі.

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.