Ақтөбеде ХХІ ғасыр көшбасшысы сайысының облыстық іріктеу кезеңі өтті

Ақтөбеде «ХХІ ғасыр көшбасшысы» зияткерлік сайысының облыстық іріктеу кезеңі өтті.

Биыл білім бәйгесіне қатысуға өңірдегі барлық оқу ордасынан өтінім түсті. Тартысты доданың аймақтық финалында 69 бала білім деңгейлерін сынға салады. 

Ақтөбеде «ХХІ ғасыр көшбасшысы» зияткерлік сайысының облыстық іріктеу кезеңі өтті. Биыл білім бәйгесіне қатысуға өңірдегі барлық оқу ордасынан өтінім түсті. Тартысты доданың аймақтық финалында 69 бала білім деңгейлерін сынға салады. 

Алтынай Бауыржанқызы облыс орталығындағы номері 18 мектепте оқиды. Түрлі сайысқа қатысып білім ордасының намысын қорғап жүр. Оқу озаты «ХХІ-ғасыр көшбасшысы» ойынында да бақ сынап, бас жүлде – білім грантын иемденуді көздейді. 

Алтынай Бауыржанқызы, Ақтөбе қаласындағы №18 орта мектептің оқушысы:

Бұл жарыс маған 2026 жылға бір гештальт болып жазылды күнделігіме. Бұл жарыста енді мен өзімнің көшбасшылық қабілетімді ашуға, өзімде мүмкін осындай қабілет бар-ау, керемет жүргізуші боламын-ау немесе өзімнің білімімді сынауға қатыстым. Ал грант берілсе әрине мен Жүргеновке түсетін едім. 

Білім додасының облыстық кезеңі «Келешек мектебі» жобасы аясында ашылған ғимаратта өтті. Заманауи оқу ордасы өскелең ұрпақ көшбасшыларын тәрбиелейтін ордаға айналары сөзсіз. Себебі мектеп қабырғасында өткен алғашқы сайыс оқу озаттарының басын қосты.

Гүлназ Қожанова,  Шалқар қаласындағы №3 орта мектептің мұғалімі:

- Оқушым белсенді, барлық қоғамдыық жұмыстарға атсалысып жүретін оқушы. Және білім ғана емес, ол спортқа да қатысады. спортты қатты жақсы көреді. Ол әрбір жетістікке ұмтылатын, жарыстың деңгейінде жүретін баланың бірі деп айта аламын. Оқушыма сенім білдіремін. 

«Хабар» арнасының төл туындысы «ХХІ ғасыр көшбасшысы» үздік тележобалардың бірі. Дарынды жастарды демеп, білімді ұрпақ тәрбиелеуге бағытталған жоба Оқу-ағарту министрлігінің қолдауымен қайта жаңғырды. Биылғы іріктеу кезеңіне Ақтөбе облысынан 69 үміткер қатысып отыр. 

Айгүл Ибатуллина, "Ақтөбе Дарын" өңірлік ғылыми-тәжірибелік қосымша білім беру орталығының бөлім басшысы:

- "ХХІ ғасыр көшбасшысы" зияткерлік ойынына іріктелетін балалар тарих, қазақ тілі, әдебиеті және логикалық сұрақтар, тапсырма 60 сұрақтан келді. 69 оқушының алдында жаңа конверт ашылды. 1 сағат 15 минут уақыт беріледі. Ол "Хабар" агенттігінің ережесіне сай қойылып отырған 75 минут. Таймер қойылып оқушылар кірісіп кетті. 

Бүгін оқ бойы озып шыққан 5 оқушы республикалық додада күш сынайды. Бұл жолы Мәртөк ауданынан келген Ақниет Мұхамбедин мен Аяжан Мұхамбетова, Темір ауданынан келген Жаңылсын Русланқызы, Байғанин ауданының намысын қорғаған Ұлықбек Нұрадинов пен шалқарлық Әділ Ұзақбай есімді өрендер облыстық кезеңнен мүдірмей өтіп үздік атанды. 

Мансұр Есқожин, Айнадин Молдабеков, Болатбек Молдағалиев, Айбек Даутов