Ақтөбеде сібір жарасы көмінділеріне тексеру жүргізілді

Ветеритария, эпидемилогия қызметі жыл сайын сібір жарасы көмінділерінің орнын тексеріп, топырақтан сынама алады. Былтыр мыңға жуық сынама тексерілді.

– Облыс бойынша 56 типтік мал қорымы бар. Биыл мал қорымы мен сібір жарасы көмінділерін ветеритариялық-санитарлық талапқа сәйкес күтіп ұстауға 18,8 млн теңге жұмсалады. Қазіргі кезде қаржы бөлінді, - деді Ақтөбе облытық ветеринария басқармасының басшысы Айбек Сембай.

Сібір жарасы көміндісінің орны жыл сайын тексеріледі. Оның бүлінген жері жөнделеді, тазалығын қамтамасыз етеді.

– Санитарлық аумағы – 1 000 метр. Осы арақашықтық сақталуы тиіс және өңірде бұл талап сақталған. Егер қандай да бір құрылыс жоспарланса, алдын ала рұқсат сұрайды, - деді Айбек Сембай.

Бұған дейін Алматы облысы Байсерке ауылының тұрғындары сібір жарасының аумағында құрылыс жоспарланғанын айтып, дабыл қақты. Дегенмен облыс әкімдігі қауіп жоқ екенін мәлімдеді.