Жамбыл облысында 3,7 млн малға диагностикалық тексеру жүргізілді

Оның айтуынша, биыл сарып және өзге де жұқпалы ауруларға 3,7 миллионға жуық диагностикалық тексеру жүргізілген. Эпизоотияға қарсы іс-шараларға облыстық және республикалық бюджеттерден барлығы 4 миллиард теңгеден астам қаржы бөлінді.

– 2025 жылға дейін 16,5 миллион профилактикалық шара жүргізу жоспарланып отыр. Қазірдің өзінде аусыл, сібір жарасы, қарасан, пастереллез және басқа да қауіпті ауруларға қарсы екпелер толық көлемде жасалуда, – деді Бердыбаев.

Жыл басынан бері облыста құтырудың 3, пироплазмоздың 2, сальмонеллездің 2, пастереллездің 2 және энтеротоксемияның 1 ошағы тіркелген. Барлық ошақтарда карантин енгізіліп, залалсыздандыру шаралары толық көлемде жүргізілген.

Айта кетейік, Жамбыл облысында аң аулауға шыққан бала көз жұмды.