Ақтүтек боран әбігерге салды

Ертіс-Баян өңірінде өткен аптада бірнеше тәулікке ұласқан ақтүтек боранның салдарынан 300-ге жуық мал қырылды. Көптеген елді мекенге айтарлықтай материалдық шығын келді. Екі қала мен екі аудан табиғи сипаттағы төтенше жағдай режімін жариялауға мәжбүр болды.

Суретті түсірген – Валерий БУГАЕВ

Облыстық төтенше жағдайлар жөніндегі комиссия отырысында қолайсыз ауа райының салдарын жою шаралары қаралды. Өңір әкімдігі атап өткендей, 9-12 нау­рыз аралығында Павлодар облысы аумағында жылдамдығы секундына 30 метрге дейін жеткен солтүстік-батыс циклоны тіркелген. Бұл облыс аумағында түскен қардың 80%-ға ұлғаюына әкеліп соқтырған. Қазгидрометтің дерегіне сәйкес, кейбір жерлерде қардың қалыңдығы 2-ден 20 см-ге дейін артқан. Ақтоғай, Шарбақты аудандарында қардың қалыңдығы 10-20 см шамасында тіркеліп отыр.

Энергетика және тұрғын үй-коммуналдық шаруашылық бас­қар­масының дерегінше, қолайсыз ауа райы кезеңінде облыстың 96 ауылдық елді мекені электр қуа­тынан апаттық жағдайда ажы­ра­тылған. Қалпына келтіру жұмыс­тарына 43 апаттық бригада, 100-ден астам маман тартылып, электрмен жабдықтау қысқа мерзімде толықтай қалпына келтірілді.

«Табиғи апаттың салдарынан Екібастұз қаласында 75 көп­қабатты тұрғын үйдің, 9 әлеу­­меттік нысанның, бір әкім­шілік ғимараттың шатыры зақымданды. Қазірде ғимараттарға тексеру жүр­гізіліп, келтірілген шығын көле­мі нақтыланып жатыр. Қала­да жергілікті ауқымдағы таби­ғи сипаттағы төтенше жағдай жарияланды. Табиғи апаттан зардап шеккен жеке және заңды тұлғалардан өтініштер қабылдау жалғасады», деп хабарлады облыс әкімдігінен.

Ақсу қаласында дауыл салдарынан 32 нысанның, соның ішін­де тұрғын үйлер мен инфрақұ­рылым нысандарының шатырлары зақымданданған. Аталған қалада, Баянауыл, Павлодар аудан­дарында да табиғи сипаттағы төтенше жағдай режімі енгізілді. Баянауыл ауданы аумағында инфрақұрылым нысандары мен тұрғын үй қоры бүлінген. 38 ауылдық елді мекеннің 37-сінде электр қуатының өшуі тіркелді. Сонымен қатар боранның салдарынан 198 бас ұсақ мал, 2 бас ірі қара, 82 жылқы қырылған. Қазір боранда ығып кеткен 600-ден астам қой іздестіріліп жатыр.

Электр жарығынан ажырау деректері Ақтоғай, Аққулы аудан­дарында да тіркелген. Өңірлік төтенше жағдай департаментінің ақпарынша, облыстағы 58 елді мекен су тасқыны қаупі бар ай­мақтарға жатқызылды. Бүгінде ауылдық жерлерден 196 мың тоннадан астам қар шығарылды.

Павлодар облысы 

Соңғы жаңалықтар

Жанкүйерлер Ербол Хамитовты әуежайда салтанатты түрде қарсы алды

Спорт • Бүгін, 09:31

«Жасыл» энергия – жаһан үдерісі

Энергетика • Бүгін, 09:00

Баспана бәсекесі: бақ шаба ма, бап шаба ма?

Ипотека • Бүгін, 08:55

Ұлыс пен ырыстың негізі

Наурызнама • Бүгін, 08:50

ОРК: Жаңа Конституцияны қолдағандар – 87,15 пайыз

Референдум • Бүгін, 08:48

Қарлығаш – құт-береке рәмізі

Наурызнама • Бүгін, 08:45

Кемел әулетінің кемеңгері

Қоғам • Бүгін, 08:40

Тарихи кезеңмен тұспа-тұс келген Наурыз

Мереке • Бүгін, 08:38

Жарыс күнделігі

Спорт • Бүгін, 08:35

Тасқынның алдын алу шаралары күшейтілді

Аймақтар • Бүгін, 08:33

Ақтүтек боран әбігерге салды

Аймақтар • Бүгін, 08:30

Басқа басылымдардан: Парламент бір палаталы жүйеге ауысады

Басылым • Бүгін, 08:27

Заманауи медициналық нысандар

Аймақтар • Бүгін, 08:25

«Amanat» партиясының үндеуі

Партия • Бүгін, 08:22

Брайль қарпіндегі Ата заң

Ата заң • Бүгін, 08:20

Барлық жаңалықтар