Әрбір тағдыр үлкен хикая : Димаш Құдайберген үндеу жасады (видео)

Qazaq24.com, Aikyn.KZ дереккөзінен алынған мәліметтерге сүйене отырып ақпарат бөліседі..

18 желтоқсанда Халықаралық мигранттар күніне орай БҰҰ-ның көші-қон жөніндегі агенттігі – Халықаралық көші-қон ұйымының Жаһандық елшісі Димаш Құдайберген әлемдік қауымдастыққа үндеу жасады, – деп хабарлайды Aikyn.kz dimashnews.com-ға сілтеме жасап.

Өнер иесі миграция жаңа мүмкіндіктерге жол ашатынын атап өтті.

«Бүгін, жыл сайын бүкіл әлемде аталып өтетін Халықаралық мигранттар күніне орай, БҰҰ Көші-қон агенттігінің Жаһандық ізгілік елшісі ретінде өз тарихыммен бөлісу мен үшін зор мәртебе. Менің тарихым Қазақстаннан бастау алады. Музыка өмірімнің өзегіне айналып, кәсіби жолымның ажырамас бөлігі болды. Әлемнің түрлі елдеріне сапар шеге жүріп, мен бір нәрсеге көз жеткіздім: жаңа елге қоныс аударған әрбір адам өзімен бірге мәдениеті мен дәстүрін бірге ала жүріп, соның арқасында әлем одан әрі байи түседі екен. Миграция жаңа мүмкіндіктерге жол ашады. Адамдар өздерімен бірге өз идеяларын, білім мен шығармашылық әлеуетін ала жүріп, даму кеңістігін қалыптастырады және оларды ерекше ететін құндылықтарымен бөліседі. Осылайша біздің ортақ мәдени болашағымыздың іргесі қаланады. Мен көптеген елдің сахнасында өнер көрсеткен сайын, залда әлемнің сан алуан өңірінен жиналған көрермендерді көріп, олардың тағдырларының тоғысқанын сезінемін. Музыка бізді біріктіреді, алайда осы бірліктің ар жағында жарық пен үмітке толы адамзаттық ғұмыр жолдары жатыр. Бүгін, Халықаралық мигранттар күні, осы атаулы күнге орай менің айтпағым:  әрбір тағдыр – үлкен хикая. The Great Story. Өз үйінің жылуын жүрегінде сақтап, оны әлеммен бөлісіп жүрген барлық жанға алғыс айтамын», - деді әнші.