Арменияға алғашқы жүк транзиті ретінде қазақстандық бидай жіберілді Әлиев

— Әзербайжан оккупация басталған мезеттен бергі Арменияға жүк тасымалдауға қойылған шектеудің бәрін алып тастады. Арменияға алғашқы жүк транзиті ретінде қазақстандық бидай жіберілді. Бұл Әзербайжан мен Армения арасындағы бейбітшілік қағаз жүзінде қалмай, нақты орнағанын көрсететін жарқын мысал деп ойлаймын, — деді Әзербайжан Президенті.

Айта кетейік, бүгін Ақордада Қасым-Жомарт Тоқаев пен Ильхам Әлиевтің төрағалығымен Қазақстан Республикасы мен Әзербайжан Республикасының Жоғары мемлекетаралық кеңесінің екінші отырысы өтті. 

Сонымен қатар Мемлекеттер басшыларына қазақ-әзербайжан мамандарының Орта дәлізді дамыту бойынша атқарып жатқан жүйелі жұмыстары жөнінде мәлімет берілді. 

Жоғары мемлекетаралық кеңес отырысының қорытындылары бойынша Президенттердің қатысуымен бұқаралық ақпарат құралдары өкілдеріне арналған брифинг болды. 

Сондай-ақ Қазақстан мен Әзербайжан Президенттері Alem.AI халықаралық жасанды интеллект орталығына барды. Орталықта Қасым-Жомарт Тоқаев пен Ильхам Әлиев цифрлық технологияларды дамыту және жасанды интеллектіні қолдану жетістіктерімен танысты.