Әрқайсысына 9 жылдан: ҰҚК екі судьяны ұстау сәтінің видеосын көрсетті

Қызылорда облысы Қазалы аудандық сотының төрағасы мен судьясы сыбайлас жемқорлық қылмысы үшін тоғыз жылға бас бостандығынан айырылды. ҰҚК оларды ұстау сәті түсірілген видеоны жариялады, деп хабарлайды Tengrinews.kz.

Екі судья 9 жылға сотталды

Қазалы аудандық сотының төрағасы Д. Әбдіқалықов пен осы соттың судьясы С. Бертайға қатысты үкім 2026 жылғы 18 қыркүйекте шықты.

Олар ҚР Қылмыстық кодексінің 366-бабы (пара алу) бойынша сыбайлас жемқорлық қылмысын жасағаны үшін кінәлі деп танылды.

Әрқайсысына тоғыз жылға бас бостандығынан айыру жазасы тағайындалған.

ҰҚК мәліметінше, сот төрағасы мен судья қаңтар айында ірі көлемде пара алды деген күдікпен ұсталған.

Ведомство сонымен қатар ұстау сәтінің видеосын жариялады.

Еске сала кетейік, бұған дейін ҰҚК Сыбайлас жемқорлыққа қарсы іс-қимыл қызметі көлік саласының екі шенеунігін ұстады кәсіпкерлерден 40 миллион теңгеден астам сомада материалдық сыйақы алды деген күдікпен ұстаған болатын.

Бізді Google-дың негізгі дереккөздер тізіміне қосыңыз