Astana Media Week 2025: форумға дайындық қалай өтеді?

Елордадағы медиа саласының ең ірі оқиғасы – Astana Media Week 2025 өтіп жатыр. Форумға отандық және халықаралық сарапшылар, БАҚ өкілдері мен контент жасаушылар қатысуда. Үш күндік шарада журналистиканың болашағы, жасанды интеллект дәуіріндегі медиа, ұлттық контенттің дамуы талқыланады. Форум аясында үздік медиа мамандары марапатталып, түрлі кәсіби шеберлік сағаттары өтеді. 

Ғазиза Мұхамеджанова, тілші:

- Astana Media Week - Қазақстандағы медиа-индустрияны дамытуға арналған ірі форум. Мұнда мемлекеттік, тәуелсіз және кәсіби БАҚ өкілдері, цифрлық контент жасаушылар, инфлюенсерлер және халықаралық сарапшылар бас қосады. Медиа апталық – журналистиканың болашағы, этика, цифрлық тәуелсіздік және қоғамдағы келісімді нығайтудағы медиа рөлі туралы пікір алмасу алаңына айналады деп күтілуде. Биыл форум үш күнге созылады. 

Бірінші күн: Ұлт және жауапкершілік тақырыбында өтеді. Пленарлық сессия: «Жасанды интеллект пен цифрландыру кезеңіндегі журналистиканың жаңа бағыттары» талқыланады. Журналист рөлін, медианың әлеуметтік жауапкершілігі аясында пікір алмасады. 

Екінші күн: "Кәсіби шеберлік пен жаңа бетбұрыс" — стриминг платформалар, контент экономикасы, медиа форматтар туралы шеберлік сабақтары өткізіледі. 

Үшінші күн: Ұлттық медиа тақырыбында өтпек. Онда ұазақстандық БАҚ жетістіктері, марапаттар, data-журналистика, кәсіби даму мәселелері талқыланады. Шеберлік сағаттары өтеді. 

Бибігүл Құламан, Astana Media Week ұйымдастырушысы:

- Спикерлер қатарында Euronews, Anadolu Agency, TRT Avaz Kanal, «Хабар», «Qazaqstan», Atameken Business, NUR.KZ және Өзбекстан, Түркия, Еуропаданкелген сарапшылар бар. Бөлек сессия стриминг платформалары нарығына арналады. Онда қазіргі танымал медиа платформалардың өкілдері қатысады.

Айта кету керек, іс шара аясында Қазмедиа орталық холлында 50 метрлік LED-экран қойылған. Онда Astana Media Week 2025 Контент-маркеты өтеді. Бұл жерде жаңа форматтар және халықаралық кооперациялар таныстырылады деп жоспарланған. Контент-платформалар арасындағы іскерлік кездесулерге арналған. Мұнда жаңа идеялар, пилоттық жобалар және Қырғызстан, Өзбекстан, Қытай мен Қазақстан нарықтарына арналған бірлескен өндіріс мүмкіндіктері ұсынылады.