Астана мен Алматыда 35 градус ыстық болады

"Қазгидромет" синоптиктері 28, 29 және 30 шілдеде Алматы мен Астанада ауа райы қандай болатынын болжады, - деп хабарлайды Tengrinews.kz.

Астанадағы ауа райы болжамы

28 шілде күні көшпелі бұлт шығады, күндіз жаңбыр жауып, найзағай ойнайды, бұршақ жауып, құмды дауыл тұруы мүмкін. Солтүстіктен, солтүстік-батыстан соғатын желдің жылдамдығы түнде 2-7, күндіз 9-14, екпіні секундына 15-20 метр. Ауа температурасы түнде +17...+19 градус, күндіз +28...+30 градус жылы болады.

29 шілде күні көшпелі бұлт шығады, жауын-шашынсыз. Солтүстік-батыстан соғатын желдің жылдамдығы секундына 7-12 метр. Ауа температурасы түнде +18...+20 градус, күндіз +30...+32 градус.

30 шілдеде көшпелі бұлтты, жауын-шашынсыз. Солтүстік-батыстан соғатын желдің жылдамдығы секундына 7-12 метр. Ауа температурасы түнде +19...+21 градус, күндіз +33...+35 градус аптап болады.

28-29 шілде күндері көшпелі бұлт шығады, жауын-шашынсыз. Солтүстік-шығыстан соғатын желдің жылдамдығы секундына 3-8 метр. Ауа температурасы түнде +19...+21 градус, күндіз +30...+32 градус.

30 шілдеде құбылмалы бұлтты, жауын-шашынсыз болады. Солтүстік-шығыстан соғатын желдің жылдамдығы секундына 3-8 метр. Ауа температурасы түнде +20...+22 градус, күндіз +33...+35 градус қатты ыстық болады.

Бұған дейін "Қазгидромет" 28-30 шілде аралығында Қазақстанның басым бөлігінде жаңбыр жауып, найзағай ойнайтынын, жел күшейіп, кей жерлерде бұршақ жауатынын ескерткен болатын. Сонымен қатар елдің оңтүстігінде +44 градусқа дейін аптап сақталады, ал солтүстікте ауа температурасы +38 градусқа дейін көтеріледі. Толығырақ мына сілтемеден оқи аласыз.

Google News арқылы жаңалықтарымызды қадағалаңыз