Астана қаласының әкімі Жеңіс Қасымбек Құрылтай сайлауында дауыс берді

Астана қаласының әкімі Жеңіс Қасымбек Instagram парақшасында Құрылтай сайлауында дауыс бергені туралы жазды, – деп хабарлайды Aikyn.kz. 

«Бүгін Қазақстан Республикасы Құрылтайы депутаттарының сайлауында дауыс бердім. Бұл – еліміздің қоғамдық-саяси өміріндегі маңызды оқиға. Жаңа Конституцияға сәйкес, Құрылтай заң шығару билігін жүзеге асыратын жоғары өкілді органға айналады.

Мемлекет басшысы атап өткендей, «Құрылтай әралуан көзқарас пен ұлт келешегі жолындағы ұмтылыстар тоғысатын біртұтас алаң болуға тиіс. Осылайша, Құрылтай ел жаңғыруына тың серпін беретін құрылымға айналмақ». Сайлау – әрбір азаматтың өз ұстанымын білдіріп, елдің алдағы даму бағытын айқындауға тікелей қатысуына мүмкіндік беретін маңызды қоғамдық үдеріс.
Астанада дауыс беруге барлық қажетті жағдай жасалған. Сайлау учаскелері штаттық режимде жұмыс істеп тұр», – деп жазды әкім.

Сараптама, зерттеу мақала, күнделікті өзекті ақпаратты «Айқынның»   TELEGRAM арнасынан табасыз.