Астана тұрғыны Павлодарда жеңгетайлықпен айналысқаны үшін сотталды

Материалдар Павлодардағы аралас ауданаралық сотта жабық режимде қаралды. Астаналық тұрғын 2025 жылғы тамызда заңсыз бизнесті ұйымдастырып, алты әйелді жұмыспен қамтыған. Олардың интимдік қызметтерінен түскен табыстың 30%-ын ұстап отырған. Қызметтің құны 20–30 мың теңге аралығында болған.

Күдіктіні ұстау Павлодар полициясы арнайы ұйымдастырған операция кезінде жүзеге асырылған. Яғни бір әйелге арнайы дайындалған клиент жіберіліп, қызмет көрсетілгені бейнекамера мен диктофон арқылы тіркелген. Осыдан кейін толыққанды тергеу басталған.

Сот барысында айыпталушы өз кінәсін мойындады.

— Айыпталушыны ҚК 309-бабы, 2-бөлім, 3-тармақ бойынша қылмыстық құқық бұзушылық жасағаны үшін кінәлі деп танылсын және оны орта қауіпсіздік деңгейіндегі жазалау орындарында үш жылға бас бостандығынан айыру жазасын тағайындалсын, — деп үкім кесті Павлодар қылмыстық істер бойынша аралас ауданаралық сотының судьясы Өрнек Әбжапаров.

Астаналық қызға жазаны өтеуді 5 жылға кейінге қалдыру берілді. Бұл шешім оның қарауында кәмелетке толмаған балаларының болуына байланысты қабылданған.

Еске салайық, бұған дейін Семейде павлодарлық офицерге әскерге шақырылушыларға әскери қызметтен кейінге қалдыруға «көмектескені» үшін үкім шығарылған еді.