Астанада Алтын домбыра республикалық ақындар айтысы өтті

Астанада «Алтын домбыра» республикалық ақындар айтысы өтті. Сөз бәйгесі Абай Құнанбайұлының 180 жылдығына арналып, айтыскерлер «Адамзаттың бәрін сүй!» тақырыбында жырлады.

Дүбірлі додадаға аймақтардан 14  ақын қатысты. Екі күнге жалғасқан жарыста қостанайлық Айбек Қалиев топ жарып, алтын домбыраның иегері атанды. Ал Қызылода облысының намысын қорғаған Бексұлтан Орынбасаров 1 орын иеленіп, темір тұлпарды тізгендеді. Екінші орынды Серік Қуанған мен Нұрбол Жауынбаев өзара бөлісті. Ал үздік үштікті Мейірбек Сұлтанхан мен Дидар Қами қорытындылады.

Дәулет Кәрібек, «AMANAT» партиясының атқарушы хатшысы:

- Мемлекет басшысы осы ұлттың руханиятына, біздің ұлттың жаңа қасиеттерінің қалыптасуында, интеллектуалды ұлт болуымыздың жолында бір қатар жұмыстарды атқарып, руханиятқа, мәдениетімізге бөліп жатқан көңіл өте ерекше. «AMANAT» партиясы да осы бағытта үлкен жұмыс атқарып келеді. Оның ішінде ұлттық спорт, кітапқа байланысты айтыстың өзіне де үнемі қолдау көрсетіп, қалайда ұлттық өнерді төрден түсірмеуге, осы ұлттық өнердің мәртебесін көтеруге жұмыс жасап келеді.