Астанада ауа райының қолайсыздығынан үш көлік соқтығысты

АСТАНА, 10 наурыз – Sputnik. Астанада ақ түтек боран соғып, көлік қозғалысы нашарлады.

© Photo : Скриншот видео АО "КазАвтоЖол"Астана айналма жолында жол апаты болды

Астана айналма жолында жол апаты болды

© Photo : Скриншот видео АО "КазАвтоЖол"

Қала маңындағы трассалардың бірінде үш көлік жол апатына түсті. Зардап шеккендердің бар-жоғы әлі белгісіз, полиция тексеріп жатыр.

"Алдын ала мәлімет бойынша қарлы боран мен жолдағы көрінудің нашарлауына байланысты көлік құралдары соқтығысқан. Оқиға орнына полиция департаментінің қызметкерлері келді", - деді "Қазавтожол".

Екінші ауысымдағы 0-8 сынып оқушылары қашықтықтан оқытуға жіберілді. Алдағы күндері ауа райы нашарлап, түнде Астанада ауа температурасы -25 градустан төмендейді.

Елорда әкімдігінің хабарлауынша, коммуналдық қызметтер тәулік бойы күшейтілген режимде жұмыс істеп жатыр. Өткен түнде елордадан қар полигондарына 51 705 текше метр қар шығарылды.

Сондай-ақ ауа райының нашарлауына және трассалардың жабылуына байланысты Астанада қала маңындағы № 305, 312, 315, 316, 327, 329 маршруттардың қозғалысы уақытша тоқтатылды.