Астанада бала мысықты 14 қабаттан лақтырып жіберді кім жауапқа тартылды

Астанада 9 жасар бала біреудің мысығын кіреберістің 14-қабатындағы терезесінен лақтырып жіберген. Оқиға туралы жануардың иесі жазды, деп хабарлайды Tengrinews.kz тілшісі.

Астана тұрғынының айтуынша, таңертең ол итін серуендетуге шыққан, ал үйіне қайтып келгенде ауладағы куәгерлер оған мысығы терезеден лақтырылғанын хабарлаған.

Жануар өліп қалды. Иесі полицияға арыз жазды. Оның айтуынша, мысықты көршінің баласы лақтырған.

Tengrinews.kz редакциясы ресми пікір алу үшін Астана полиция департаментіне жүгінді. Ондағылар оқиғаның мән-жайы анықталғанын хабарлады.

Скриншот: Thread

"9 жасар бала терезе алдында тұрған мысықты итеріп жібергені анықталды, салдарынан жануар 14-қабаттан құлап, мерт болды", - деп хабарлады департамент.

Бала әкімшілік жауапкершілік жасына толмауына байланысты, оның заңды өкілі жазаланды.

"Кәмелетке толмаған баланы тәрбиелеу бойынша міндеттерді тиісінше орындамау дерегі бойынша баланың заңды өкілі әкімшілік жауапкершілікке тартылды", - деп толықтырды полиция.

Google News арқылы жаңалықтарымызды қадағалаңыз