Астанада балабақша бүлдіршіндері түймеден Абай Құнанбайұлының портретін дайындап шықты

Аталған еңбекті – «Абай аманаты» жобасы аясында №86 «Зияткер» балабақшасының бүлдіршіндері жасады. Портретті әзірлеуге 560 түйме жұмсалған, деп жазады Egemen.kz.

Фото: Астана әкімдігі

Түйменің түсін, орнын, ретін таңдау – қиял мен көркем көзқарасты дамытады. Сол сияқты ұсақ моторика мен қол икемін жетілдіреді. Бұл баланың қол қозғалысын, дәлдігін, үйлесімділігін шыңдайды. Эстетикалық талғамды арттырады, әсемдікті сезінуді, түстерді үйлестіруді, көркем бейнені тануды меңгереді.

Елорда әкімдігінің ресми сайты жазғандай, Абай бейнесін құрастыру арқылы бала ұлттық мұраға, даналыққа, шығармашылық ойлауға, ұқыптылық пен шыдамдылықты үйренеді. Бейнесін жасаған сайын, баланың санасында Абай туралы сұрақ, қызығушылық, құрмет артады.