Астанада электр энергиясы қымбаттайды

Биыл Астанада электр энергиясы тарифін көтеру жоспарланып отыр. Бұл туралы "Астана-ӨЭК" жұмысына арналған есеп беру кездесуінде белгілі болды, деп хабарлайды Tengrinews.kz тілшісі.

Биыл Астанада электр энергиясы тарифін көтеру жоспарланып отыр. Бұл туралы "Астана-ӨЭК" жұмысына арналған есеп беру кездесуінде белгілі болды, деп хабарлайды Tengrinews.kz тілшісі.

Астанада 2026–2030 жылдарға арналған электр энергиясы тарифтерінің жаңа деңгейі бекітілді. Реттеушінің шешіміне сәйкес, олардың құны жыл сайын кезең-кезеңімен өседі:

Осылайша, жыл сайынғы жоспарлы өсім көзделген.

Сонымен қатар "Астана-ӨЭК" есеп беру кездесуінде алғашқы көтерілу 2026 жылдың маусымында болуы мүмкін екені айтылды.

Компания өкілдері тарифтердің алдағы өсімін электр желілерін жаңғырту қажеттілігімен және жүйеге түсетін жүктеменің артуымен түсіндірді. 2026 жылы инвестициялық бағдарламаға 7 миллиард теңгеден астам қаражат бағыттау жоспарланған.

Бұл қаражатқа ескірген жабдықтарды ауыстыру, қосалқы станцияларды жөндеу, кабельдік желілерді жаңарту және электр энергиясын есепке алу жүйелерін енгізу жоспарланып отыр. Сондай-ақ "Самал", "Восточный", "Киров" қосалқы станцияларын және басқа да нысандарды жөндеуді қоса алғанда, ірі жобалар көзделген.

ҚАЗІР ТАЛҚЫЛАНЫП ЖАТЫР

Қазақстанның Халық жазушысы Мұхтар Шаханов өмірден өтті

19 сәуір 22:47 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

2026 жылы электр энергиясын тұтыну көлемі шамамен 150 миллион киловатт-сағатқа артады деп күтіледі. "Астана-ӨЭК" мәліметінше, бұл қаланың дамуымен және тұтынушылар санының өсуімен байланысты.

Компания өкілдері инвестициялық бағдарламаны іске асыру электрмен жабдықтау сенімділігін арттыруға, апат санын азайтуға және ең жоғары жүктеме кезінде желілердің тұрақты жұмысын қамтамасыз етуі тиіс екенін атап өтті.

Еске сала кетейік, 1 сәуірден бастап Қазақстанда Үкімет қабылдаған дағдарысқа қарсы шаралар аясында былтырғы қазанда енгізілген коммуналдық қызметтер тарифін көтеруге арналған мораторий мерзімі аяқталды.

Табиғи монополияларды реттеу комитетінің мәліметінше, мораторий тоқтатылғаннан кейін тарифтер бірден барлығы үшін көтерілмейді - олар қажеттілікке қарай және әр компания үшін жеке қарастырылады. Ол үшін кәсіпорын өтінім беріп, шығындарының расымен өскенін дәлелдеуі керек.

Коммуналдық қызмет бағаларының өзгеруін қарастыру кезінде түрлі фактор: инфрақұрылымды күтіп ұстау және жөндеу құны, оның қазіргі жай-күйі ескеріледі деп уәде етілді. Сондай-ақ әрбір жеке өңірдегі экономикалық жағдай есепке алынады.