Астанада коммуналдық тарифтер шілдеден бастап қымбаттауы мүмкін

Астана-АЭК елордада электр энергиясының тарифін көтеруге өтінім дайындап жатыр.
Қазіргі уақытта бағалар 2025 жылғы деңгейде сақталғанымен, алдағы айларда өзгеріс болуы ықтимал.

Реттеуші орган бекіткен жоспарға сәйкес, электр қуатының тарифі 2026–2030 жылдар аралығында кезең-кезеңімен өседі. Атап айтқанда, 2026 жылы 1 кВт/сағ үшін баға 8,86 теңгеге дейін көтеріледі (2025 жылы – 7,53 теңге). Кейінгі жылдары тариф 2027 жылы – 9,31 теңге, 2028 жылы – 9,71 теңге, 2029 жылы – 10,12 теңге және 2030 жылы – 10,56 теңгеге дейін жетпек.

Компания мәліметінше, алғашқы өсім 2026 жылдың маусым айында енгізілуі мүмкін. Қазіргі уақытта тарифті қайта қарау бойынша өтінім дайындалып жатыр. Түпкілікті шешім қоғамдық тыңдаулардан кейін қабылданады.

Тарифтердің өсуі электр желілерін жаңғырту және жүктеменің артуымен байланысты. Биыл бұл бағытқа 7 миллиард теңгеден астам инвестиция салу жоспарланған.

Айта кетейік, коммуналдық тарифтердің өсуіне қатысты мораторий 2025 жылдың қазан айында енгізіліп, 2026 жылғы 1 сәуірде өз күшін жойған болатын.