Астанада референдум қалай өтті

Мемлекет басшысының стратегиялық бағдары мен саяси ұстанымы
Мемлекет басшысы Қасым-Жомарт Тоқаев жаңа Конституция жобасы бойынша өткен республикалық референдумға қатысып, елордадағы Оқушылар сарайында орналасқан № 51 учаскеде өз таңдауын жасады.

ҚР Президенті онда жаңа Ата заңның ел болашағы үшін стратегиялық маңызын атап өтті.

Фото: Камила Мүлік/Kazinform

Саяси науқанның елордадағы ұйымдастырылу барысы

Орталық референдум комиссиясының хатшысы Шавкат Өтемісовтің мәліметінше, Астана қаласы бойынша түскі сағат 14:00–ге дейін азаматтардың келу белсенділігі 40,68%-ды құраған. Бұл көрсеткіш елорда тұрғындарының маңызды саяси науқанға деген жоғары қызығушылығын көрсетеді.

Фото: Камила Мүлік/Kazinform

Елордадағы мерекелік атмосфера мен әлеуметтік шаралар

Астанадағы референдум тек саяси сипатта ғана емес, халықтық мереке ретінде де аталып өтті. Қаланың № 60 референдум учаскесінде ерекше жағдай болды, Абылайхан Егеубаев есімді тұрғын өзінің сүйіктісіне көпшілік алдында үйлену туралы ұсыныс жасады. Мұндай оқиғалар маңызды саяси науқанның адамдар арасындағы сенім мен болашаққа деген үмітті нығайтатынын көрсетеді.

Фото: Камила Мүлік/Kazinform

Сонымен қатар, референдум күндері елорда тұрғындары үшін «Nauryz Sale» ауқымды азық-түлік жәрмеңкелері ұйымдастырылды. Жәрмеңкелер қаланың жеті бірдей ірі сауда орталықтары мен базарларында, атап айтқанда «Keryen Joly», «Koktal», «Еуразия», «Астаналық базар», «Damu Mall», «Шапағат» және «Сауран» аумағында орналасты.

Фото: Камила Мүлік/Kazinform

Айта кетейік, бұған дейін елімізде республикалық референдум күні 585 бала дүниеге келгенін жазған едік.