Астанада салмағы ауыр жүк көліктеріне бақылау күшейтілді

АСТАНА, 29 сәуір – Sputnik. Көлік министрлігі Астанада ауыр жүк көліктеріне бақылауды күшейтті

1 сәуірден бастап Астана қаласының аумағында ауыр жүк тасымалдайтын самосвалдардың қозғалысын бақылау күшейтілді. Рейдтік іс-шараларды көлік министрлігі, полиция департаменті және Астана қаласының әкімдігі бірлесіп ұйымдастырып ұйымдастырып отыр.

"Инертті материалдарды тасымалдайтын автокөлік құралдарының рұқсат етілген салмақтық және габариттік параметрлерін сақтауына негізгі назар аударылып отыр. Бақылау іс-шараларымен қаланың негізгі кіреберістері, сондай-ақ құрылыс жүктері қарқынды тасымалданатын көше учаскелері қамтылған", - деп жазылған хабарламада.

Күшейту шаралары аясында көліктік бақылаудың 6 жылжымалы бекеті жұмылдырылды. Сонымен қатар, еліміздің 17 өңірінен көліктік бақылау инспекцияларының қызметкерлері тартылды.

Рейдтік іс-шаралар басталғалы бері 622-ге жуық автокөлік құралы тексеріліп, нәтижесінде көлік заңнамасының талаптарын бұзудың 347 фактісі анықталды, оның ішінде артық жүктеу жағдайлары бар. Анықталған құқық бұзушылықтар бойынша 92 миллион теңгеден астам сомаға айыппұл салынды.