Астанадағы негізгі көшелердің бірінде кептеліс көбейеді

АСТАНА, 19 сәуір – Sputnik. Астанадағы Республика даңғылының үш бірдей қиылысында жолды жөндеу жұмыстары басталды, деп хабарлайды Sputnik Қазақстан әкімдіктің ресми сайтына сілтеме жасап.

Көлік және жол-көлік инфрақұрылымын дамыту басқармасы таратқан мәліметке сәйкес, үш қиылыста да орташа жөндеу жүргізіледі.

Олар:

Республика даңғылы мен А. Иманов көшесі;

Республика даңғылы мен Кенесары көшесі;

Республика даңғылы мен Абай даңғылы.

"Осыған байланысты 19-21 сәуір аралығында аталған учаскелерде қозғалыс ішінара жабылатын болады", - делінген ресми хабарламада.

Осы орайда әкімдік көлік жүргізушілері мен жаяу жүргіншілерге жүру бағытын алдын ала жоспарлауға кеңес берді.