​Atyrau Stadium құны 45,7 млрд теңге

Атырау әкімдігі бұған дейін жария болмаған жаңа стадион құрылысының құнын айтты.

Еске салсақ, 12 мың орындық жаңа спорт аренасының құрылысы көктемде «Аламан» базарының маңындағы Атырау-2 ықшамауданында басталды. Ол UEFA стандарттарына сай болады деп күтіледі. 

Облыстық құрылыс, сәулет және қала құрылысы басқармасының (тапсырыс беруші) мәліметінше, жұмыс құны 45,7 млрд теңгені құрайды, қаржыландыру көзі — жергілікті және республикалық бюджеттер.

253,9 млн теңгеге жобалау-сметалық құжаттаманы «Engineering center LTD» ЖШС әзірледі, құрылыс барысына техникалық қадағалауды «Строй Проф» ЖШС жүзеге асырады, оның қызметі 455 млн теңгеге бағаланып отыр.

Бас мердігер ретінде бұрынғыдай «Aspan Holding» компаниясы қатысуда, ол «West real service» ЖШС қосалқы мердігер ұйымын тартып үлгерген.

Облыс әкімдігінің дерегі бойынша, қазір құрылыс алаңында жер жұмыстары аяқталып, қазық қағу, іргетас, бағандар мен ригельдерді құю жұмыстары жүріп жатыр.

Нысанды пайдалануға беру 2027 жылдың соңына жоспарланған.

Лев ГУЗИКОВ

Кеше, 17:03