​Атырауда блогер мен оның сыбайласы бопсалау қылмысы үшін сотталды

Сотталушылар өз кінәсін мойындамай, соттан ақтау үкімін шығаруды сұраған болатын.

Тергеу нұсқасы бойынша, өткен жылдың мамырында блогер әйел Атырау қаласындағы «Sular Company» ЖШС ауласында сақталған Coca-Cola өнімдерін видеоға түсіріп, қоқысқа толы аумақтың ролигін өзінің Instagram парақшасында жариялаған. Кейіннен бұл видеоны желіден өшіру үшін блогер танысы (делдал) арқылы ЖШС директорынан екі миллион теңге талап еткен. Кәсіпкер полицияға жүгініп, соның нәтижесінде күдіктілер ұсталды.

Сотқа дейінгі тергеу Қылмыстық кодекстің екі бабы бойынша жүргізілді - «Алдын ала сөз байласу арқылы адамдар тобы жасаған бопсалау» (194-баптың 2-бөлігі, 2-тармағы); «Билік өкіліне қатысты күш қолдану» (380-баптың 3-бөлігі), себебі тінту кезінде блогер полиция қызметкерінің басынан ұрып, тепкені анықталды.

Атырау №2 қалалық сотының судьясы Жұмағали Ташимовтың «Ақ Жайық» басылымына хабарлауынша, сотталушылар мен олардың адвокаттары тағылған айыптармен келіспей, ақтауды сұраған. Алайда «олардың кінәсі жәбірленушілер мен куәгерлердің айғақтарымен, сондай-ақ тергеу әрекеттерінің видеожазбаларымен толық дәлелденді».

Нәтижесінде сот үкімімен блогер әйелдің асырауында кәмелетке толмаған балаларының болуына байланысты, жазасын өтеу екі жылға шегеріліп, төрт жылға бас бостандығынан айырылды. Оның сыбайласы бұрынғы соттылықтары ауырлататын мән-жай ретінде ескеріліп, ол да төрт жылға бас бостандығынан айырылды.

Үкім әлі заңды күшіне енген жоқ.

Лев ГУЗИКОВ

Бүгін, 10:15