Атырауда BMW көлігі бағанаға соқтығысып, қоршауға соғылды

13 маусым күні таңертең Елорда даңғылында болған жол апатынан кейін облыстық ауруханаға екі адам түрлі жарақатпен жеткізілді.

Полиция дерегіне сәйкес, сағат 10:03 шамасында 1984 жылы туған BMW жүргізушісі рөлге ие бола алмай, жарық бағанасына соқтығысқан. Соққыдан кейін көлік жол жиегіндегі металл қоршауға соғылған.

Жол-көлік оқиғасы салдарынан екі жолаушы зардап шегіп, Атырау облыстық ауруханасына жеткізілді.

Қазіргі уақытта оқиға бойынша тексеріс жүргізіліп, апаттың барлық мән-жайы анықталуда.

Ләззат ҚАРАЖАНОВА

18 маусым, 12:15