Атырауда музей цифрлық жүйеге көшірілді

Атырау облыстық тарихи-өлкетану музейіндегі 5 мыңнан астам жәдігер цифрлық форматқа көшірілді.

Бұл бастама мәдени мұраны сақтау, жүйелеу және көпшілікке қолжетімді етуге бағытталған. Мәліметтерді «E-museum» веб-порталы және АИС «SAQTAU» автоматтандырылған ақпараттық жүйесі арқылы музей қорының мемлекеттік каталогынан табуға мүмкіндік бар. Болашақта аудан орталықтарындағы мұражайлар цифрлық жүйеге көшірілмек.

Орта ғасырлық Сарайшық тарихын зерттеп жүрген Динара Сатымова облыстық музейдегі жағымды жаңалыққа тәнті болғанын айтады. Себебі мұнда «Алтын Орда дәуіріне тән 10 мыңнан астам тарихи жәдігер сақталған. Оның барлығын зерделеу уақытты қажет етеді. Енді тарихшы өзіне керекті мәліметті интерактивті тақтадан еркін таба алады.

Динара Сатымова, жас тарихшы:

- Кез келген құнды жәдігердің тарихын және оның қай жерден табылғанын суретін, вертуалды турын анықтап, көре аламыз. Сонымен қатар интернеттен де көре аламыз, үйде отырып та қолдана аламыз.

Күні бүгінге дейін музей қорындағы 5 мыңнан астам жәдігер электронды форматқа көшірілді. Енді келушілер арнайы құрылғылар арқылы түрлі суреттер мен экспонаттаға виртуалды тур жасап, 3D форматта мол мағлұмат алады.

Ақзер Жеңісбайқызы, музей таныстырушысы:

- Музей залдарында орналасқан галаграммалар арқылы көрермендер үшін қойылған жәдігерлерді 360 градус форматта жан-жағынан көруге мүмкіншіліктер қарастырылған. Ал «Алтын Орда» залында мүмкіндігі шектеулі жандар үшін 2 қабаттағы залдаран түсірілген бейне экскурсиялар көрсетіледі.

Облыстық тарихи өлкетану музейінің қорында 65 мыңнан астам тарихи жәдігер сақталған. Мақсатымыз - цифрландыру жүйесін енгізу арқылы тарихи-мәдени құндылықтарды сақтап, оларды ғылыми айналымға енгізудің тиімді тетігіне айналдыру, - дейді мамандар.

Меңсұлу Наурызбаева, музей қорының меңгерушісі:

- Атап айтқанда археологиялық, этнографиялық, нуизматикалық тағы басқа да коллекциялар жоғары сапалы фотосуретке түсіріліп және 3D форматта цифрландырылуда. Сонымен қатар цифрландырылған  экспонаттар музей қорының электронды базасына енгізіліп, ғылыми зерттеуге көрме жұмыстарына пайдаланылады.

Биылғы аяғына дейін облыс аудандарындағы тағы да 9 музей цифрлық жүйеге көшірілетін болады. Сол кезде қазіргі жәдігерлердің қатары тағы 12 мың 500 ге көбейеді,- дейді мамандар. 

Авторлары: Арыстанбек Кенже, Амантай Мәтенов, Жандос Рахметуллин